SAMDU KATTAQO’RG’ON FILIALI PEDAGOGIKA VA TILLARNI O’QITISH FAKULTETIDA “OCHIQ ESHIKLAR KUNI” BO’lIB O’TDI.
20/05/2022
Matbuot xizmati
0
SAMDU KATTAQO’RG’ON FILIALI PEDAGOGIKA VA TILLARNI O’QITISH FAKULTETIDA “OCHIQ ESHIKLAR KUNI” BO’lIB O’TDI.
Samarqand davlat universiteti Kattaqo‘rg‘on filiali Kattaqo’rgon tumanidagi Xalq ta’limi vazirligiga qarashli bir necha umumta’lim maktablar bilan ta’lim sifati va o‘qituvchilarning kasbiy mahoratini oshirish, metodik qo‘llab-quvvatlash hamda ta’lim-tarbiya sohasida zamonaviy uslublardan foydalanish, bitiruvchi o‘quvchilarni oliygohlarga yo‘naltirish va qiziqqan sohalariga keng jalb etish maqsadida hamkorlik ishlarini yo‘lga qo‘ygan.
Jumladan,SamDU Kattaqo’rg’on filiali Pedagogika va tillarni o’qitish fakulteti hamda Kattaqo’rg’on shahar Xalq ta’limi bo’limi bilan hamkorligida tashkil etilgan tadbirda Kattaqo’rg’on shahridagi 13-umumiy o’rta ta’lim maktabi bitiruvchilari ishtirok etishdi.
Tadbirni fakultet dekani A.Sobirov kirish so‘zi bilan ochib, filial haqida so‘z yuritib, talabalarga yaratilgan shart-sharoitlar, tashkil etilgan fakultet va kafedralar faoliyati, abituriyentlarni OTMga tayyorlash kurslari va talabalar uchun faoliyat olib borayotgan to‘garaklar haqida, qo‘shma ta’lim dasturlari asosida tashkil etilgan ta’lim yo‘nalishlari haqida to‘xtalib o‘tdi. Ochiq muloqot tarzida o’tgan tadbirda maktab o’quvchilari va boshqa ishtirokchilar tomonidan berilgan savollarga fakultet dekani atroflicha javob berdi.
Tadbir davomida so‘zga chiqqan Yoshlar masalalari va ma‘naviy-ma‘rifiy ishlar bo‘yicha dekan o‘rinbosari J.Abduraxmonov bugungi kunda yurtimizda yurtboshimiz tomonidan yoshlarga yaratilgan imkoniyatlar haqida to‘xtalib, bilim olish yosh tanlamasligini, kasb o‘rganish har bir inson uchun ham farz, ham qarz ekanligini yoshlarga misollar bilan tushuntirib berdi. Shuningdek, filialda 2022-2023-o’quv yilidagi qabul kvota rejalari bo‘yicha o’quvchilarga batafsil ma’lumot berdi.
O’quvchilar tashrif davomida fakultetdagi mavjud yo‘nalishlar, talabalar uchun yaratilgan shart-sharoitlar, professor-o‘qituvchilar tomonidan o‘tkazilayotgan dars mashg‘ulotlari, shuningdek talabalarning ijod namunalari bilan yaqindan tanishib chiqishdi.
Tadbir yakunida fakultet dekani A.Sobirov tashrif buyurgan Kattaqo’rg’on shahargi 13-umumiy o’rta ta’lim maktabi rahbariyatiga hamda o’quvchilariga minnatdorchilik bildirib, bu uchrashuv yoshlarni yanada kirish imtihonlariga munosabatini, sergakligini oshirishiga xizmat qilishinini, kelgusida SamDU Kattaqo’rg’on filiali Pedagogika va tillarni o’qitish fakulteti va maktab hamkorligini yanada samarali yo‘lga quyilishini ta’kidlab o‘tdi.
