fbpx

Mamlakatimizda fuqarolar murojaatlari bilan ishlash tizimida davlatimiz rahbarining qat’iy siyosati asosida “xalq davlat organlariga emas, balki davlat organlari xalqimizga xizmat qilishi kerak” degan tamoyilga amal qilinadi. 

Joriy yilning 17 aprel kuni SamDU Kattaqo‘rg‘on filialida jismoniy va yuridik shaxslarning murojaatlari bilan ishlash, nazorat va monitoring bo‘limi tomonidan ijro intizomini mustahkamlash va fuqarolar murojaatlari bilan ishlash tizimini kuchaytirish maqsadida “Jismoniy va yuridik shaxslarning murojaatlari bilan ishlash,nazorat va monitoring ishlarini samarali va tizimli tashkil etish ” mavzusida seminar-mashg’uloti bo’lib o’tdi.

Unda dekan o’rinbosarlari, bo’lim boshliqlari va professor-o’qituvchilar ishtirok etdi.

Seminarda so’zga chiqqan jismoniy va yuridik shaxslarning murojaatlari bilan ishlash, nazorat va monitoring boʻlimi boshligʻi M.Xaqberdiyev Oliy ta’lim, fan va innovatsiyalar vazirligining  buyruqlari va topshiriqlari, jismoniy va yuridik shaxslarning murojaatlari tahlili to’g’risida tizimli ishlar haqida yig’ilganlarga batafsil ma’lumot berdi.

Bo’limning bosh mutaxassisi Sh.Pulatova o’z ma’ruzasida kengash yig’ilishlarida qabul qilingan qarorlarning ijrosini tarkibiy bo’linmalarda va tarkibiy qismlarda ta’minlanishini to’g’ri tashkil etish hamda nazoratini olib borish to’g’risida so’z yuritdi.

Shundan so’ng filialning xodimlar bilan ishlash bo‘limi boshlig’i J. Ibragimov so’zga chiqib qabul qilingan ichki buyruqlarning ijrosini tarkibiy bo’linmalarda va tarkibiy qismlarda sifatli ta’minlanishini tashkil etish to’g’risida to’xtalib, seminar ishtirokchilariga taklif va tavsiyalar berdi.

Seminar so’nggida ishtirokchilar tomonidan berilgan savollarga mutaxassislar tomonidan atroflicha javob berildi.