fbpx

Bugun Jizzax davlat pedagogika universiteti professori Xamid Meliyev hamda Guliston davlat universiteti professori Baxtiyar Raximovlarning SamDU Kattaqo‘rg‘on filialiga tashrif buyurgani bu boradagi xayrli ishlarning dastlabkisi bo‘ldi.

Olimlar SamDU Kattaqo‘rg‘on filiali direktori Sh. Urakov bilan birgalikda filialda o‘quv jarayonlarining tashkil qilinganligi, axborot resurs markazi faoliyati, talaba va professor-o‘qituvchilar uchun yaratilgan qulay sharoitlar bilan tanishishdi.
Talabalar bilan jonli va qizg‘in muloqotlar tashkil qilib, o‘z taklif va tavsiyalarini berishdi.

Kelgusida universitetlar hamda filial talabalari o‘rtasida akademik mobillik asosidagi almashinuvlarni kengaytirish, pedagogika yo‘nalishidagi fakultetlar, kafedralar hamkorligini mustahkamlashga kelishib olindi.