fbpx

Samarqand davlat universitetining Kattaqo‘rg‘on filialida seminar – trening tashkil etildi

O‘zbekiston Respublikasi Prezidentining 2019-yil 8-oktabrdagi PF-5847-son farmoni O‘zbekiston Respublikasi Oliy ta’lim tizimini 2030-yilgacha rivojlantirish Konsepsiyasida keltirilgan ilm-fan sohasida xalqaro hamkorlikni rivojlantirish, O‘zbekiston Respublikasi Fanlar akademiyasining tegishli institutlari hamda nufuzli xorijiy oliy ta’lim va ilmiy tadqiqot muassasalari bilan yetakchi mahalliy oliy ta’lim muassasalarining faol hamkorligini yo‘lga qo‘yish, bunda mentorlik modelidan keng foydalanish (O‘zbekiston Respublikasi Oliy ta’lim tizimini 2030-yilgacha rivojlantirish Konsepsiyasining 1-ilovasi, 3-bob, 3-§, 18-xat boshi) yuzasidan Samarqand davlat universitetining Kattaqo‘rg‘on filialida xalqaro hamkorlikni yo‘lga qo‘yish va rivojlantirish maqsadida 2023-yil 5 dekabr kuni soat 14-00da filial professor-o’qituvchilari va talabalari uchun Samarqand xalqaro texnologiyalar universitetining “Amaliy matematika” kafedrasi mudiri PhD., professor Jimbo Henri Claver tomonidan “THE FUTURE OF FINANCIAL TECHOLOGY (Fin Tech) IN UZBEKISTAN” mavzusida seminar-trening tashkil etildi. 

Seminar-treningni Samarqand davlat universitetining Kattaqo‘rg‘on filiali ilmiy ishlar va innovatsiyalar boʻyicha direktor oʻrinbosari Sirojiddinov Fazliddin Nasriddinovich ochib berdi.

Filial direktori Urakov Sherzod Raxmonovich soʻzga chiqib hozirgi kunda ilm-fan sohasida yaratilayotgan imkoniyatlar va filialda olib borilayotgan ishlar yuzasidan filial professor-oʻqituvchilari va talabalariga ma’lumot berib, yaratilayortgan imkoniyatlardan toʻliq va samarali foydalanish toʻgʻrisida ta’kidlab oʻtdi.

Seminar-treningda PhD., professor Jimbo Henri Claver O‘zbekistonda moliya, iqtisodiyot va bank tizimlari hamda uning hozirgi kundagi rivojiga bag‘ishlangan ilmiy izlanishlar, tadqiqotlar va yangi texnologiyalar to‘g‘risida taqdimot qildi. 

Tadbir davomida filial professor-oʻqituvchi va talabalari oʻzlarini qiziqtirgan savollarga javob olishdilar. 

Seminar – trening davomida Oʻzbekiston Respublikasi Prezidentining 2023-yil 16-noyabrdagi “Oʻzbekiston Respublikasi Konstitutsiyasi kuni bayramiga tayyorgarlik koʻrish va uni oʻtkazish to’g’risida”gi F-72-son farmoyishi, hamda Oliy ta’lim, fan va innovatsiyalar vazirining 2023-yil 24noyabrdagi 508-son buyrug‘i hamda SamDU Kattaqo’rgʻon filiali direktorining 2023 yil 25-noyabrdagi 137-son buyrugʻi ijrosini ta’minlash maqsadida Samarqand davlat universitetining Kattaqoʻrgʻon filialida “Oʻzbekiston Respublikasi Konstitutsiyasi qoidalari va tamoyillarini oʻrganish boʻyicha talabalar oʻrtasida joriy yilning 1-4 dekabr kunlarida oʻtkazilgan olimpiada g’oliblariga PhD., professor Jimbo Henri Claver sertikatlarini topshirish marosimida qatnashib, gʻolib boʻlgan talabalarga sertifikatlarini topshidi. 

Samarqand xalqaro texnologiyalar universiteti bilan oʻzaro manfaatli yangi loyihalar, ilmiy tadqiqot ishlarini hamkorlikda olib borish hamda boshqa xalqaro darajadagi soha mutaxassislarini taklif qilish imkoniyati mavjud ekanligi yuzasidan kelishib olindi.

Seminar – trening yakunida PhD., professor Jimbo Henri Claverga samarali taqdimoti uchun filial rahbariyati tomonidan sertifikat taqdim etildi.

Ushbu uchrashuv ommaviy axborot vositalarida (Samarqand viloyat teleradiokompaniyasi xodimlari tomonidan) yoritiladi.