fbpx

Bugun, 22-iyun kuni Sharof Rashidov nomidagi Samarqand davlat universiteti rektori Rustam Xolmurodov SamDU Kattaqo‘rg‘on filialida bo‘lib, filial jamoasi, professor-o‘qituvchilari bilan uchrashdi.

R.Xolmurodov yurtimizda ta’lim-tarbiya sifati va samaradorligini oshirish borasida keng ko‘lamli islohotlar amalga oshirilayotgani, bu kelgusida zamonaviy bilimga, malaka va tajribaga ega kadrlar tayyorlash, tizimdagi qator muammolarga yechim bo‘lishiga xizmat qilishini alohida ta’kidladi.

Filial faoliyatida yuqori natijaga erishish uchun o‘quv va ilmiy yo‘nalishda sog‘lom, korrupsiyadan xoli, xalqaro tajribalarga asoslangan muhit shakllantirish asosiy vazifa ekanligini qayd etdi. Sifatli ta’lim, mustaqil ta’limni to‘g‘ri tashkil qilish va imtihonlarning adolatli va shaffof o‘tkazilishini ta’minlash bo‘yicha tavsiyalarini berdi.
R. Xolmurodov filialning yangi o‘quv binosi, talabalar turar joyi qurilish jarayonlari bilan tanishdi.