Reja-moliya bo‘limi
Toyirov Baxrom Toyir o‘g‘li
- 2006-2009 yy.- Samarqand iqtisodiyot kolleji talabasi
- 2009-2010 yy.- Ishtixon tuman “Besh darg’at shabodasi” f/x hisobchisi
- 2010-2010 yy.- “Me’mor” MCHJ buxgalter-kassiri
- 2010-2014 yy.- Samarqand iqtisodiyot va servis instituti talabasi
- 2015-2017 yy.- Samarqand davlat universiteti reja-moliya bo’limi 2-toifali iqtisodchisi
- 2017-2018 yy.- Samarqand davlat universiteti reja-moliya bo’limi 1-toifali iqtisodchisi
- 2018-2021 yy – Samarqand davlat arxitektura-qurilish instituti reja-moliya bo’limi boshlig’i
- 2021- sh.v. – Samarqand davlat universitetining Kattaqo’rg’on filiali reja-moliya bo’limi boshlig’i
Samarqand davlat universitetining Kattaqo‘rg‘on filiali ustaviga ko‘ra reja-moliya bo‘limi mustaqil bo‘lib, mazkur ustav asosida faoliya ko‘rsatadi va bevosita filial direktoriga bo‘ysinadi.
Reja-moliya bo‘limi o‘z ish faoliyatida O‘zbekiston Respublikasi Konstitutsiyasi, qonunlari va qonun osti normativ hujjatlariga, O‘zbekiston Respublikasi Oliy ta’lim, fan va innovatsiyalar vaziriligi tomonidan chiqarilgan qarorlar va buyruqlarga, filial direktorining buyruqlariga asosan harakat qiladi.
Bo‘lim tuzilishi va shtatlari O‘zbekiston Respublikasi Oliy va o‘rta maxsus ta’lim vazirligi, Mehnat vazirligi, Moliya vazirligining 2017-yil 6-fevraldagi “Oliy ta’lim muassasalari boshqaruv, texnik, xizmat ko‘rsatuvchi va o‘quv-yordamchi xodimlarining namunaviy shtatlarini tasdiqlash to‘g‘risida”gi 1-2017-son, 4-q/q-son, 13-son qaroriga (O‘zbekiston Respublikasi Adliya vazirligida 2017-yl 21-fevralda 2859-son bilan Davlat ro‘yxatidan o‘tkazilgan) asosan tashkil qilinib,ularning oylik maoshi filialning umumiy ish haqi fondi doirasida tasdiqlangan shtatlar jadvalida keltirilgan tarif razryadlari va maosh okladlari asosida belgilanadi.
Reja-moliya bo‘limi boshlig‘i filial direktori buyrug‘i bilan lavozimga tasdiqlanadi va lavozimdan olinadi.
Reja-moliya bo‘limini shu bo‘lim boshlig‘i boshqaradi, bo‘limdagi xodimlarning vazifalarini belgilovchi ko‘rsatmalarni ishlab chiqadi va direktorga tasdiqlash uchun taqdim qiladi.
- Samarqand davlat universitetining Kattaqo‘rg‘on filialining iqtisodiy, moliyaviy va xo‘jalik faoliyatini istiqbolli va joriy rejalashtirishda ishtirok etish hamda ushbu faoliyat sohasidagi buyruqlar va tadbirlarni amalga oshirish bo‘yicha takliflar tayyorlash;
- Filialning byudjet vabyudjetdan tashqari mablag‘lari bo‘yicha yillik smeta loyihalarini tuzish, tasdiqlatish va ro‘yxatdan o‘tkazish uchun yuqori turuvchi tashkilotga taqdim qilish;
- Filialning byudjet va byudjetdan tashqari shtatlar jadvallarini ishlab chiqish, tasdiqlatish hamda shtat intizomiga rioya qilinishini nazorat qilish;
- Filial tomonidan ko‘rsatilayotgan ta’lim va boshqa xizmatlarning xarajatlarini kalkulyatsiya qilish, narxlarini belgilash va tasdiqlatish, yillik daromadlar tushumi prognozlarini ishlab chiqish, ularning bajarilishini tahlil qilish;
- Moliyaviy va iqtisodiy ko‘rsatkichlarning har choraklik, yillik hisobot shakllarini tuzish va ularni tegishli vazirlik va statistika tashkilotlariga taqdim qilish;
- Filial direktorining yoki uning vakolati topshirilgan shaxsning topshirig‘iga ko‘ra mablag‘larning sarflanishi bo‘yicha qaror, farmoyishlarni ekspertiza qilish va iqtisodiy tahlil o‘tkazish;
- Filial byudjet va byudjetdan tashqari mablag‘lari sarflanishi va byudjet intizomiga rioya qilinishini nazorat qilish;
- Professor-o‘qituvchi va ishchi xodimlarni moddiy rag‘batlantirish bo‘yicha tadbirlarni amalga oshirish;
- Iqtisodiy va mehnat me’yorlarini ishlab chiqishda ishtirok etish.
- Reja-moliya bo‘limini filial direktori tomonidan tayinlangan boshliq boshqaradi va unga shu bo‘limdagi barcha xodimlar bo‘ysinadi.
- Bo‘lim xodimlari filial ustaviga binoan barcha xodimlar bilan bir xil huquq va majburiyatlarga ega.
- Reja-moliya bo‘limi boshlig‘i quyidagi huquqlarga ega:
- Iqtisodiy va moliyaviy masalalar bo‘yicha filialga qarashli barcha bo‘lim, fakultetlar va shaxslarga ko‘rsatmalar berish, topshiriqlarni, hujjatlarni, mehnat intizomi ijrosini talab qilish va hisobotlar yuritish;
- Ustav bo‘yicha shtat intizomini nazorat qilish;
- Byudjet va nobyudjet mablag‘lari sarflanishini nazorat qilish;
- Iqtisodiy va moliyaviy masalalar bo‘yicha yozishmalar olib borish;
- Bo‘lim xodimlarining malakasini oshirish, ularni moddiy rag‘batlantirish va intizomiy jazolash bo‘yicha takliflar berish.
- Tasdiqlangan reja va limitlar doirasidan chiqmaslikni qat’iy nazorat qilish. Belgilangan normalardan chetlanishlar bo‘yicha filial direktorini xabardor qilish.
- Bo‘lim boshlig‘i huquqlaridan kelib chiqib iqtisodiy va moliyaviy masalalar bo‘yicha filialga qarashli barcha bo‘lim, fakultetlar va shaxslarga berilgan ko‘rsatmalar, topshiriqlar va hujjatlarni o‘z vaqtida taqdim qilmasligi, mehnat va shtat intizomi ijrosini buzilishi yuzasidan jazo choralarini qo‘llash bo‘yicha filial direktoriga taklif kiritish.
- Ushbu nizomda ko‘zda tutilgan vazifalarning bajarishi uchun javobgar.
- Bo‘lim faoliyatini doimiy takomillashtirib borish.
- Filial ishchi-xodimlar jamoasini hamda talabalarini ijtimoiy muhofaza qilish borasida zarur mablag‘lar bilan moliyalashtirishni ta’minlab borish;
- Filial moddiy-texnika bazasini boyitishda zaruriy chora-tadbirlarni amalga oshirish;
- Filial mablag‘laridan oqilona va samarali foydalanishda xizmat ko‘rsatish;
- Bo‘lim tomonidan topshiriladigan hisobot va loyihalarning joriy va sifatli bo‘lishini ta’minlash;
- Filialning iqtisodiy holatini yaxshilash borasida muntazam faoliyat yuritish.