SamDU Kattaqo‘rg‘on filiali Pedagogika va tillarni o‘qitish fakultetida talabalarning bo’sh vaqtlarini mazmunli o’tkazish, ularni vatanparvarlik ruhida kamol topishlari va o’z iste’dodini namoyon qilishlari uchun tashkil etilayotgan 5 tashabbus doirasidagi tadbirlar davom ettirilib, “Quvnoqlar va zukkolar” ko’rik-tanlovining fakultet bosqichi o’tkazildi.

Ko’rik tanlovni Yoshlar ishlari masalalari va maʻnaviy-maʻrifiy ishlar boʻyicha direktor birinchi oʻrinbosari Sh.N.Mustafayev ochib berdi va jamoalarga omad tiladi. “Quvnoqlar va zukkolar” ko‘rik-tanlovi  Nizomi fakultetning Yoshlar masalalari va ma‘naviy-ma‘rifiy ishlar bo‘yicha dekan o‘rinbosarlari J.Abduraxmonov tomonidan tanishtirib o‘tildi. Ko‘rik-tanlovi hakamlar hay’ati raisi Sh.N.Mustafayev, hakamlar hay’ati a’zolari A.Sobirov, G.Shokirova, A.Jabborov, N.Ruziyevalar tomonidan holisona baholandi.

Tanlovda jamoalar 3ta shart bo‘yicha bellashishdi.

1-shart Tanishuv sharti: (8 daqiqa, maksimal ball 5)

2-shart Musiqiy chiqish sharti (8 daqiqa, maksimal ball 5)

3-shart Erkin mavzu: (7-10 daqiqa, maksimal ball 5)

Tanlov ko‘tarinki ruhda bo‘lib o‘tdi. Jamoalar chiqishlaridagi sahnalashtirilgan kontentlar g‘oyasi yaxshi, muommolarni ko‘tarib chiqqan, xotimasi ta’sirli faqat sahna ma’daniyati, vaqt reglamenti va tomoshabinlar bilan ishlashdagi kamchiliklari evaziga ballar farq qildi.

Hakamlar hayʼatining xulosalariga koʻra:

1-oʻrin: “Milionerlar” jamoasi

2-oʻrin: “Univers” jamoasi

3-oʻrin: “Shaddod qizlar” jamoasi 

G‘olib jamoalar estalik sovg‘alar va turli nominatsiyalar bo‘yicha diplomlar bilan taqdirlandi.  

Talabalar uchun tashkil qilinayotgan bunday tadbirlar ularning kelajakda jamiyatda faol, o’z iste’dodlarini namoyon qila oladigan kadrlar bo’lib chiqishida ko’mak bo’lishi shubhasiz!

SamDU Kattaqo’rg’on filiali

Axborot xizmati