“Qizlar odobi va kiyinish madaniyati” mavzusida davra suhbati o’tkazdi
Filial talaba-qizlarini kelgusida malakali mutaxassis, namunali ayol, zukko va oqila oila bekasi boʻlishlarida koʻmaklashish maqsadida ular bilan muntazam ravishda uchrashuvlar, davra suhbatlari tashkil qilinib kelinmoqda. Ayniqsa, bu borada filialning Xotin-qizlar masalalari bo’yicha direktor maslahatchisi doimo harakatda.
Ana shunday uchrashuvlardan biri 3-mart kuni SamDU Kattaqo‘rg‘on filialida talaba-qizlarning odob-axloq qoidalariga rioya qilishi, kiyinish madaniyati hamda qizlar o‘rtasida erta turmushga qurishni oldini olish yuzasidan ochiq muloqot tarzida o‘tkazildi.
Tadbirda filialining Xotin-qizlar masalalari bo’yicha direktor maslahatchisi G.Shokirova, filial psixologi L.Kalkonova, professor-o‘qituvchilar hamda talaba-qizlar ishtirok etishdi.
Yig‘ilishda so’zga chiqqanlar jamiyatda xotin-qizlarning o’rnini oshirish, oila va farzandlar tarbiyasi, unda ayollarning tutgan o’rni, filialning ichki tartibiga, kiyinish va odob-axloq qoidalariga amal qilish borasida fikr yuritdilar.
Suhbat davomida filialda talabalar uchun yaratilgan barcha qulayliklar, odob axloq qoidalari va ichki tartib qoidalar haqida batafsil ma’lumot berib o’tildi.
