fbpx

O‘zbekiston Respublikasi Prezidentining 2022-yil 30-apreldagi PQ-232-sonli «Ichki turizm xizmatlarini diversifikatsiya qilishga oid qo‘shimcha chora-tadbirlar to‘g‘risida»gi qarorining ijrosini ta’minlash maqsadida joriy yilning 24-sentabr kuni SamDU Kattaqo‘rg‘on filiali Pedagogika va tillarni o’qitish fakulteti talabalari Samarqand shahriga sayohat uyushtirildi.Fakultetning Yoshlar ishlari va ma’naviy-ma’rifiy ishlar bo’yicha dekan o’rinbosari Jasur Abduraxmonov talabalarni kuzatib, oq yo’l tiladi.

Talabalar dastlab O’zbekiston yoshlar ittifoqi boshlang’ich tashkiloti Samarqand viloyat kengashi tamonidan tashkil qilinadigan “Buyuk yurtning baxtli farzandlari” shiori ostidagi Ikki avlod uchrashuvi tadbirida ishtirok etishdi.

Shundan so’ng, talabalar Samarqand shahrining koʼhna tarixi va istiqlol yillarida roʼy bergan katta oʼzgarishlar bilan yaqindan tanishishdi. Prezidentimiz  tomonidan oshilgan  «Buyuk ipak yoʼli» xalqaro sayyohlik markazini ham yaqindan tamosho qildilar

Aytish joizki, sayohatda 1-bosqich uzoq viloyatlardan, jumladan Qoraqalpog’iston Respublikasi, Xorazm, Andijon, Surxondaryo viloyatidan kelgan talabalar ham qatnashishdi. Bu uchrashuv ular uchun katta imkoniyat bo’ldi desak mubolag’a bo’lmaydi. Chunki, tom ma’noda ro’yi zamin gavhari bo’lgan Samarqand shahrida mavjud bo’lgan obidalar bilan tanishish imkoniyatiga ega bo’lishdi.