Kattaqo’rg’on garnizoni harbiy qismida “O’zbek tili milliy o’zligimiz va mustahkam davlatimizning timsoli” mavzusida adabiy-badiiy kecha o’tkazildi.
SamDU Kattaqo’rg’on filiali bilan hamkorlikda tashkil qilingan ushbu tadbir O‘zbek tiliga davlat tili maqomi berilganligining 34 yilligiga bag’ishlandi.
Harbiy xizmatchilarning oila a’zolari, farzandlari ishtirok etgan ushbu tadbirda SamDU Kattaqo’rg’on filiali Yoshlar ittifoqi BT yetakchisi J.Abduraxmonov, O’zbek tili va gumanitar fanlar kafedrasi o’qituvchisi M.Djakbarova ona tilimiz qadr-qimmati, o’zligimizni anglash va saqlashda uning ahamiyati haqida so’z yuritdi.
Hamkorlik uchun J.Abduraxmonov hamda M.Djakbarova harbiy qism komandirining TASHAKKURNOMASI bilan taqdirlandi.
