fbpx

27-iyun — Matbuot va ommaviy axborot vositalari xodimlari kuni munosabati bilan 26-iyun sanasida Oliy ta’lim, fan va innovatsiyalar vazirligi tomonidan Toshkent davlat yuridik universitetida barcha oliy ta’lim muassasalari matbuot kotiblari uchun “OTM matbuot xizmati – 2023. Oliy ta’lim muassasalari matbuot xizmatlarini rivojlantirish: muammo va huquqiy yechimlar” mavzusida o‘quv seminar tashkil etilmoqda.

Unda mavjud respublika oliy ta’lim muassasalarining barcha matbuot kotiblari ishtirok etadi.

Mazkur o‘quv seminar matbuot kotiblari faoliyati samaradorligini ko‘tarish, jamoatchilikka oliy ta’lim tizimiga oid islohotlar natijalari haqida tezkor, xolis va to‘liq axborot yetkazishdagi malakalarini oshirish hamda milliy media makonda yuqori tajribaga ega OAV vakillari bilan tajriba almashish maqsadida o‘tkazilmoqda.