fbpx

Yangi o‘quv yili oldidan SamDU Kattaqo‘rg‘on filialida o‘quv jarayonlarini sifatli va samarali tashkil qilishga alohida e’tibor qaratilmoqda. Eng muhimi, sifat va samaradorlikka xizmat qiluvchi jihozlar foydalanishga topshirilmoqda.

Birgina joriy yilda 550 mln so‘mga yaqin mablag‘ yo‘naltirilgan holda, to‘g‘ridan-to‘g‘ri o‘quv jarayonlari hamda ushbu jarayonlarni sifatli tashkil qilish uchun kompyuter jihozlari, elektron doskalar, proyektorlar, televizor va boshqa muhim vositalar xarid qilinib, foydalanishga topshirildi. 20 mln so’mga 1027 turdagi 3165 dona kitob xarid qilindi.

Shuningdek, yoshlarning bo’sh vaqtlarini samarali tashkil qilish, ma’naviy-ma’rifiy tadbirlarni sifatli o’tkazish uchun 60 mln, sport inventarlari uchun 34 mln so‘m yo’naltirildi.

Bir so‘z bilan aytganda, SamDU Kattaqo‘rg‘on filiali yangi o‘quv yiliga tayyor.