Oliy ta’lim va mahalla hamkorligi

Joriy yilda Ózbekiston Respublikasi Prezidentining 2022-yil 19-yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari to’g’risida”gi qarori yuzasidan bir qancha ishlar olib borilmoqda.

2022-yilning “Inson qadrini ulug’lash va faol mahalla”, deb atalgani ham bejizga emas. Mahalla jamiyatning kichik bir bóg’inidir. Hozirgi kunda mahallalar to’laligicha diqqat- e’tibor ostiga olinib, mahallalarda fuqarolarni jamoat ishlariga jalb qilish, mahallalardagi oilalarning tinch va totuvligini ta’minlash, balog’atga yetgan yoshlarning bandligini nazorat qilishga qaratilgan targ’ibot, tashviqot ishlari olib borilmoqda.

Shu órinda “Bir ziyoli-bir mahallaga ma’naviy homiy” tamoyili asosida mahallalarda ishlarni tashkil etish uslubiyati ishlab chiqildi. Jumladan ushbu tamoyil asosida Samarqand davlat unversiteti Kattaqórg’on filiali professor-o’qituvchilari tomonidan bir qancha ma’naviy-ma’rifiy ishlar amalga oshirilmoqda. Xususan filial professor-o’qituvchilari Kattaqo‘rg’on shahridagi “Usmon Nosir” , “Islom Shoir” , “Damariq” , “Alisher Navoiy” , “Amir Temur” va boshqa mahallalarga tashrif buyurishdi.

Mahalla fuqarolar yig’ini raisi bilan fikr almashilgan holatda mahallalardagi sharoitlar atroflicha o’rganildi.

Jumladan, Pedagogika va tillarni o’qitish fakulteti dekani Anvar Sobirov Amir Temur mahallasida bo’ldi.

Anvar Sobirov ushbu mahallaga tashrifi davomida mahallaning ijtimoiy-ma’naviy muhiti órganildi.Ishlar rejalar asosida bir haftaga taqsimlandi va bosqichma-bosqich amalga oshirildi.Mahalla fuqarolar yig’ini raisi Qóziyev Narzullo Dilmurodovich,Kattaqo’rg’on shahar A.Temur MFY hokim yordamchisi Mirzayev Jamshid Qurbonovichlar bilan birgalikda mahalladagi 1891 ta xójaliklar,1764 ta xonadonlar soni mavjudligi kórib chiqildi.Ular tarkibidagi “Temir daftar”ga kiritilganlar, “Ayollar daftari”da turuvchilar, nizoli oilalar,”Temir daftar”ga kiritilgan oilalarning mehnatga layoqatli oila a’zolariga alohida e’tibor qaratildi.

   Shu bilan bir qatorda kelgusida mahallarda turli tadbirlar ótkazilishi rejalashtirildi.Mahalla fuqarolarining kitobxonlik darajasi va kitobga qiziqishini tizimli órganib borish bóyicha amaliy ishlar olib borildi.Tashrif sóngida Anvar Sobirov mahallalardagi xotin-qizlar bilan uchrashib,ularga oliy ta’limning afzalligi haqida tushunchalar berdi va ularni qiziqtirgan barcha savollarga aniqlik kiritib ótib,ularning oliy ta’limga bólgan qiziqishlarini oshirdi.