fbpx

Oliy ta’lim fan va innovatsiyalar vazirining 2023 yil 9 -avgustdagi “Talaba va yoshlarning bo‘sh vaqtini mazmunli tashkil etish tadbirlarini tashkil etish to‘g‘risida” gi 351-son buyrug’i ilovasida keltirilgan Oliy ta’lim muassasalarida 2023/2024-o‘quv yili davomida o‘tkaziladigan tadbirlarning kalendar rejasidagi 2.3 bandida ko’rsatilgan “Mening startap loyiham” inkubatsiya dasturi ishlab chiqildi.

Samarqand davlat universitetining Kattaqo‘rg‘on filialida 2023 yil 4 oktabr sanasida dasturga ishtirokchilarning startap loyihalarini rivojlantiruvchi malakali spiker va mentorlarni jalb qilish maqsadida Samarqand agroinnovatsiyalar va tadqiqotlar instituti, «Ta’lim sifatini nazorat qilish bo‘limi” boshlig‘i, qishloq xo’jaligi fanlari bo’yicha falsafa doktori, PhD. Shamsiyev Anvar Akbarovich taklif etildi.

Filial ilmiy ishlar va innovatsiyalar bo‘yicha direktor o‘rinbosari Fazliddin Sirojiddinov  A.Shamsiyev to‘g‘risidagi ma’lumotlarni talabalarga yetkazgan holda uchrashuvni ochib  berdi.

Anvar Shamsiyev katta xalqaro tajribaga ega, Estoniya davlatining Estoniya amaliy bilimlar universitetida hamda Janubiy Koreya davlatining butun dunyo bo’yicha nufuzli 1000 oliy o‘quv yurtlari ro’yxatiga kiruvchi Kyungpuk milliy universitetida magistraturada tahsil olgan. 2021 yil “Samarqand viloyatida yoshlarning innovatsion g’oyalari va startap loyihalarini qo’llab-quvvatlash dasturi”ning 3-to’lqinida “Antioksidantlarga boy batat uni ishlab chiqarish” mavzusidagi loyihasi bilan 120 mln so’m miqdordagi grant mablag’larini qo’lga kiritgan.

Uchrashuv jarayonida A.Shamsiyev  o‘z startap loyihalari loyihalarni qanday amalga oshirish to‘g‘risida so‘z olib bordi.

Ushbu uchrashuvda filial professor-o‘qituvchilari talabalari faol ishtirok etishdi, hamda  o‘zlarini qiziqtirgan savollarga javob olishdi.

Uchrashuv natijasida A.Shamsiyev tajriba almashish maqsadida professor-o‘qituvchi hamda talabalarni Samarqand agroinnovatsiyalar va tadqiqotlar institutida tashkil etilgan ilmiy markazlarga taklif etdi.