Korrupsiyaga qarshi kurashish “Komplaens-nazorat” tizimini boshqarish bo’limi

Kоrrupsiyaga qarshi kurashish “komplaens-nazorat” tizimini boshqarish bo‘limining asosiy faoliyat turlari va maqsadi

   Samarqand davlat universitetining Kattaqo’rg’on filialining korrupsiyaga qarshi kurashish “Komplaens-nazorat” tizimini boshqarish bo‘limi o‘z faoliyatini O’zbekiston Respublikasi Prezidentining 2020 yil 27 maydagi “O’zbekiston Respublikasida korrupsiyaga qarshi kurashish tizizmini yanada takomillashtirish chora-tadbirlari to’g’risida”gi PF-5927-son Farmoni hamda O’zbekiston Respublikasi Prezidentini Administratsiyasi rahbarining 2020 yil 4 sentyabrdagi 22-2488-sonli topshirig’ida belgilangan Oliy va o’rta maxsus ta’lim vazirligida yashirin iqtisodiyot va korrupsiyaga qarshi kurashish hamda uning oldini olish bo’yicha 2020-2021 yillarga mo’ljallangan “Yo’l xaritasi”dagi vazifalar ijrosini ta’minlash O‘zbekiston Respublikasi oliy ta’lim tizimini 2030 yilgacha rivojlantirish konsepsiyasini tasdiqlash to‘g‘risida”gi PF-5847-son Farmoni, 2019 yil 11 iyuldagi “Oliy va o‘rta maxsus ta’lim tizimiga boshqaruvning yangi tamoyillarini joriy etish chora-tadbirlari to‘g‘risida”gi PQ-4391-son qarori, 2020 yil 28 apreldagi “Raqamli iqtisodiyot va elektron hukumatni keng joriy etish chora-tadbirlari to‘g‘risida”gi PQ-4699-son qarori, Vazirlar Mahkamasining 2020 yil 31 dekabrdagi “Oliy ta’lim muassasalarida ta’lim jarayonini tashkil etish bilan bog‘liq tizimni takomillashtirish chora-tadbirlari to‘g‘risida”gi 824-son qarori, Oliy va o‘rta maxsus ta’lim vazirligining 2021 yil 28 iyundagi 281-sonli buyrug‘i bilan tasdiqlangan “Oliy ta’lim muassasasining korrupsiyaga qarshi kurashish “Komplaens-nazorat” tizimini boshqarish bo‘limi to‘g‘risida”gi Namunaviy Nizom asosida ishlab chiqilgan bo‘lib, bo‘limning faoliyati Samarqand davlat universitetining Kattaqo’rg’on filialining korrupsiyaga karshi kurashish Dasturi hamda mazkur Nizom asosida tartibga solinadi.

  Karrupsiyaga qarshi kurashish “komplaens-nazorat” tizimini boshqarish bo‘limi vazifalari va funksiyalari

-Bo‘lim Samarqand davlat universitetining Kattaqo’rg’on filialining tarkibiy bo‘linmasi hisoblanadi.

-Bo‘limning faoliyati oliy ta’lim muassasasida “Komplaens nazorat” tizimini boshqarish, shuningdek,korrupsiyaga qarshi kurashish faoliyatini olib borishga yo‘naltirilgan bo‘lib, o‘z vakolatlari doirasida bevosita Samarqand davlat universitetining Kattaqo’rg’on filialining direktoriga bo‘ysunadi hamda Oliy va o‘rta maxsus ta’lim vazirligi (keyingi o‘rinlarda – vazirlik)ning Komplaens-nazorat va korrupsiyaga karshi kurashish bo‘limiga hisobot beradi.

– Bo‘lim o‘z faoliyatida O‘zbekiston Respublikasi Konstitutsiyasiga va qonunlariga, O’zbekiston Respublikasi Oliy Majlisining qarorlariga, O‘zbekiston Respublikasi Prezidentining Farmonlari, Qarorlari va farmoyishlariga, O‘zbekiston Respublikasi Vazirlar Mahkamasining Qarorlari va farmoyishlariga, vazirlik buyruqlariga va Hay’ati karorlariga, filialning ichki buyruqlari, shuningdek,boshqa qonun hujjatlarigaamal qiladi.

– filialda“Korrupsiyasiz soha” loyihasini filial miqyosida amalga oshirishga qaratilgan chora-tadbirlar ijrosini ta’minlash;

– filialda korrupsiyaga karshi kurash “Komplaens nazorat” tizimini joriy etish va uni amalga oshirish;

– filialdakorrupsiyaga oid xavf-xatarlar yuqori bo‘lgan yo’nalishlar hamda korrupsiyaga oid huquqbuzarliklar sodir etilishining sabab va shart-sharoitlarini aniqlash;

– filialda korrupsiya ko‘rinishlari namoyon bo‘lishiga olib keladigan tizimli muammolar va ularni bartaraf etilishi bo‘yicha tegishli takliflarni kiritgan holda axborot berib borish;

– filialda korrupsiyaga oid huquqbuzarliklarning sabab va shart-sharoitlarini bartaraf etish hamda korrupsiyaga qarshi kurashish choralarining samaradorligini oshirishga qaratilgan dasturlar ijrosini ta’minlash;

– filialda korrupsiyaga qarshi kurashishga yo‘naltirilgan jamoatchilik nazoratini muvofiqlashtirib borish, shuningdek, zamonaviy usullar va axborot-kommunikatsiya texnologiyalari asosida korrupsiyaga qarshi monitoring olib borish;

– korrupsiyaga qarshi kurashish va jamoat nazorati sohasida umum e’tirof etilgan xalqaro standartlar va xorijning ijobiy tajribasini o‘rganish hamda ilg‘or jihatlarni tatbiq etish bo‘yicha takliflar ishlab chiqish;

– filialda korrupsiyaning holati, tendensiyalari va sabablari hamda korrupsiyaga karshi choralar ko‘rishning samaradorligi yuzasidan sotsiologik, ilmiy va boshqa tadqiqotlarni tashkil etish va takliflar ishlab chiqish;

– filial huzuridagi akademik litseyning korrupsiyaga qarshi kurashish yo‘nalishidagi faoliyatini muvofiqlashtirish.

Bo‘lim o‘ziga yuklangan vazifalarni bajarish uchun quyidagi funksiyalarni amalga oshiradi:

– filialda korrupsiyaga qarshi kurashishga oid qonunlar va qonunosti hujjatlar, shuningdek, Vazirlik Hay’ati qarorlari va buyruqlariga rioya etilishi ustidan nazorat olib boradi;

– korrupsiyaga oid huquqbuzarliklarning oldini olishga qaratilgan chora-tadbirlar va ish rejalarini ishlab chiqadi, ularning to‘liq, sifatli va o‘z vaqtida ijro etilishini ta’minlaydi, belgilangan chora-tadbirlarning amalga oshirilishi ahvolini o‘rganadi, natijalari bo‘yicha ma’lumotlar tayyorlaydi;

– filialda korrupsiyaga qarshi kurashish bo‘yicha chora-tadbirlarni amalga oshirishga qaratilgan ichki hujjatlar loyihalarini ishlab chiqadi va tasdiqlash uchun direktorga kiritadi.

– filialning ichki hujjatlarida aniqlangan korrupsiyaviy normalarni bartaraf qilish bo‘yicha takliflar ishlab chiqadi.

– filialda korrupsiyaviy xavf-xatarlarni baholaydi va ularni kamaytirish yuzasidan chora-tadbirlar rejalarini ishlab chiqadi;

– filialning profsssor-o‘qituvchilari, boshqaruv, texnik, xizmat ko‘rsatuvchi va o‘quv-yordamchi xodimlarining hatti-harakatlaridagi korrupsiyaviy xavf-xatarlar va huquqbuzarliklar haqida kelib tushadigan murojaatlar va anonim xabarlarni ko‘rib chiqadi hamda o‘rnatilgan tartibda choralar ko‘radi;

– filialda korrupsiya faktlarga doir xizmat tekshiruvlarini reestrini yuritib boradi;

– davlat xaridlarini amalga oshirishda manfaatlar to‘qnashuvini tahlil qilishda va kontragentlarning ishonchliligini tekshirishda ishtirok etadi;

– filial xodimlari o‘rtasida manfaatlar to‘qnashuvi monitoringini yuritadi va tegishli takliflar kiritadi;

– filialning professor-o‘qituvchilari, boshqaruv, texnik, xizmat ko‘rsatuvchi, o‘quv-yordamchi xodimlari o‘rtasida muntazam ravishda profilaktik suhbatlar tashkil etib boradi;

– filial faoliyatida korrupsiyaviy holatlarni aniqlash maqsadida professor-o‘qituvchilar, boshqaruv, texnik, xizmat ko‘rsatuvchi, o‘quv-yordamchi xodimlar, talabalar (magistrantlar, doktorantlar, klinik ordinatorlar, mustaqil izlanuvchilar) va aholi o‘rtasida so‘rovlar o‘tkazadi;

– so‘rovlar, ijtimoiy va boshqa tadkiqotlar asosida korrupsiyaga qarshi kurashish targ‘iboti bӱyicha chora-tadbirlar natijalari va ta’sirini muntazam ravishda baholab boradi hamda keyingi chora-tadbirlarni belgilashda baholash natijalaridan foydalanadi;

– professor-o‘qituvchilar, talaba-yoshlar o‘rtasida korrupsiyaga qarshi kurashishga qaratilgan

1978 – yilda Samarqand viloyati Pastdarg‘om tumanida tug‘ulgan

1997-2001 yy. – Samarqand davlat universiteti talabasi

2002-2004 yy. – Samarqand davlat universiteti magistranti

2001.09-2005.01 yy. – Samarqand temir yo‘l transporti KHK o‘qituvchisi

2005.02-2012.09 yy. – Samarqand temir yo‘l transporti KHK kunduzgi bo‘lim boshlig‘i

2012.11-2014.07 yy. – Samarqand davlat universiteti fizika fakulteti laboranti

2014.09-2017.04 yy. – Samarqand davlat universiteti fizika fakulteti assistenti

2017.04-2018.09 yy. – Samarqand “Temurbeklar” maktabi direktori

2018.09-2019.07 yy.  – Sartepo turizm va maishiy xizmat kasb-hunar kolleji direktori

2021.01-2021.12 yy – Samarqand davlat universiteti Yadro fizikasi va astronomiya ilmiy o’quv markazi Kichik ilmiy xodimi

2021.10 y – h.v. – Samarqand davlat universitetining Kattaqo’rg’on filiali Korrupsiyaga qarshi kurashish “Kompleans nazorat” tizimini boshqarish bo’limi Bosh mutaxassisi