SamDU KF

Joriy yilning 3-dekabr kuni SamDU Kattaqo‘rg‘on filiali Pedagogika va tillarni o‘qitish fakulteti faollar zalida “9–dekabr–Xalqaro korrupsiyaga qarshi kurash” kuniga bag‘ishlangan Aksilkorrupsiya haftaligi doirasida “Korrupsiya rivojlanishimizga to‘siq” 10 kunligi tadbiri bo‘lib o‘tdi.

Tadbirni Pedagogika va tillarni o‘qitish fakulteti dekani A.Sobirov  ochib berib, talabalarni bugungi tadbirga o‘z ma’ruzalari bilan ishtirok etish uchun tashrif buyurgan Yoshlar ishlari va ma`naviy-marifiy masalalar boyicha direktor o’rinbosari Sh.Mustafayev,  Korrupsiyaga qarshi kurashish «komplaens-nazorat» tizimini boshqarish boʼlimi boshlig’i E.Xudoyqulov, Kattaqo’rg’on shahar IIB xodimlari I.Daurov. Z, Sharobovlar bilan tanishtirdi.

Tadbir davomida so‘zga chiqqanlar yurtimiz kelajagi hozirgi kunda olib borilayotgan islohotlarga bevosita bog‘liqligi, ushbu islohotlar zamirida Yurtboshimiz ta’biri bilan aytganda “Inson manfaatlari – hamma narsadan ustun” degan tamoyil va “Xalq davlat idoralariga emas, davlat idoralari xalqimizga xizmat qilishi kerak” degan ezgu g‘oya yotishi, xalqqa xizmat qilish esa, o‘z-o‘zidan amalga oshmasligini, bunda davlat idoralari xalq bilan munosabatga kirishish vaqtida albatta korrupsion omillar vujudga kelishi mumkinligi, ushbu korrupsion omillar, avvalo mamlakatimizda qabul qilinayotgan normativ-huquqiy hujjatlardagi turli xil huquqiy bo‘shliqlar, kolliziyalar va boshqa korrupsion omillar orqali amalga oshirilishi haqida to‘xtalib o‘tishdi.

Shuningdek, ma’ruzalar davomida Korrupsiyaga qarshi kurashishga qaratilgan O‘zbekiston Respublikasi prezidentining Farmon va Qarorlari mazmun-mohiyati keng tushuntirib o‘tildi.

Ochiq muloqot tarzida kechgan tadbirda talabalar tomonidan berilgan savollarga tadbir mehmonlari amaliyotda duch kelayotgan muammoli holatlarni misol qilib javoblar berdilar.

SamDU KF Axborot xizmati