Korrupsiya – jamiyat kushandasi

Jamiyatda korrupsiya bor ekan, rivojlanish, taraqqiyot bo‘lmaydi. Shu bois, mamlakatimizda bu illatga qarshi murosasiz kurashilmoqda. Afsuski, amalga oshirilayotgan chora-tadbirlarga qaramay, hamon korrupsiya chuqur ildiz otgan sohalar ham bor. Unga qarshi nafaqat davlat, balki jamiyat, har bir fuqaro kurashmog‘i darkor. Shundagina, ta’lim, tibbiyot singari eng muhim sohalar korrupsiyasiz sohaga aylanishi mumkin.

Korrupsiya botqogʻiga botgan amaldorlar jamiyat taraqqiyotiga gʻov boʻlib, umri xalqqa xiyonat qilish, yosh avlod ongini zaharlash bilan oʻtishini endi keng jamoatchilik yaxshi tushunadi. Bu illatga qarshi kurash – toza vijdonli, oriyatli ziyolilarning qalb amriga aylanmogʻi lozim. SamDU Kattaqo‘rg‘on filiali Biznesni boshqarish va axborot texnologiyalari fakultetida “Korrupsiya jamiyat rivojiga tahdid” mavzudagi davra suhbati talabalarni yanada teran fikrlashga undadi.

Mazkur tadbirda Yoshlar ishlari va ma`naviy-marifiy masalalar boyicha direktor o’rinbosari Sh.Mustafayev, Kattaqo’rg’on shahar prokurori yordamchisi J.Mardonov, Korrupsiyaga qarshi kurashish «komplaens-nazorat» tizimini boshqarish boʼlimi boshlig’i E.Xudoyqulov, Ilmiy ishlar va innovatsiyalar bo’yicha direktor o’rinbosari M.Turayev, Yoshlar bilan ishlash, ma’naviyat va ma’rifat bo‘limi boshlig’i E.Husanovlar ishtirok etishdi.

Tadbirni Biznesni boshqarish va axborot texnologiyalari fakulteti dekani S.Rajabov olib bordi.

Korrupsiyaga qarshi kurashish O‘zbekistonda davlat siyosatining eng ustuvor yo‘nalishlaridan biridir. Davra suhbatida so’zga chiqqanlar korrupsiyaviy holatlarning har qanday ko‘rinishlariga nisbatan murosasiz munosabatda bo‘lish va unga qarshi kurashish eng ustuvor vazifa etib belgilanganligi, Shuningdek, korrupsiya holatlarini barvaqt aniqlash va oldini olish, ularning sabab va shart-sharoitlarini bartaraf etish, manfaatlar to‘qnashuviga yo‘l qo‘ymaslik hamda korrupsiyaga nisbatan murosasiz munosabatni shakllantirish choralarini ko‘rish bo‘yicha kerakli ma’lumotlarni berdi.

Davra suhbati jarayonida talabalarning dunyoqarashini munosib ravishda shakllantirish, ularning huquqiy madaniyatini oshirib borish qanchalik muhim ekanligini alohida taʼkidlandi. Buning uchun eng avvalo Oʻzbekiston Respublikasining “Korrupsiyaga qarshi kurashish toʻgʻrisida”gi qonunini teran nigoh bilan oʻqib-oʻrganish zarurligi haqida so’z yuritildi.

Korrupsiyaga qarshi kurashish sohasidagi davlat siyosatining asosiy yo‘nalishlari — aholining huquqiy ongi va huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish yuzasidan talabalar bilan o‘zaro fikr almashildi.

Xulosa o‘rnida ta’kidlab o‘tish joizki, korrupsiyaga qarshi kurashish sohasida qabul qilingan har bir me’yoriy xujjat ertangi O‘zbekistonning hayotida korrupsiya degan illatning tamoman yo‘qolishiga qo‘yilayotgan katta qadamlardir.

Darhaqiqat, har qanday vaziyatda ham halol odam hayotda gʻolib boʻlib, baxtli-saodatli yashaydi. Bugun butun jamiyatimiz ana shunday pokiza hayotga intilmoqda.

Tadbirda talabalar bu mavzuda oʻzlarini qiziqtirgan savollariga atroflicha javoblar oldilar.

SamDU KF Axborot xizmati