Davlat ramzlari milliyligimiz, tariximiz, bugunimiz va ertangi umidimizni ifodalagan milliy maʼnaviy boyligimizdir. Dunyo tan olgan insonparvarlik gʼoyalarini oʼzida toʼlaqonli aks ettirgan Oʼzbekiston Respublikasi Konstitutsiyasi birdamligimizning asosi boʼlib xizmat qilmoqda.

Joriy yilning 6-dekabr kuni SamDU Kattaqo‘rg‘on filiali Pedagogika va tillarni o‘qitish fakulteti faollar zalida Oʻzbekiston Respublikasi Konstitutsiyasi qabul qilinganligining 29 yilligiga bagʻishlab “Konstitutsiya – baxtimiz qomusi” mavzusida davra suhbati tashkil etildi. Tadbir Oʻzbekiston Respublikasi madhiyasini kuylash bilan boshlandi. Shundan soʻng, tadbirni SamDU Kattaqo‘rg‘on filiali direktori Sherzod Urakov kirish soʻzi bilan ochib, bosh Qomusimizning hayotimizdagi oʼrni va ahamiyati, yoshlarimiz qalbida qonunga hurmat, Vatanga mehr va sadoqat tuygʼusini kuchaytirish, ularning huquqiy ongi va madaniyatini oshirish, bosh Qomusimizning yaratilish tarixi, unga kiritilgan oʼzgartirishlar, shuningdek, Konstitutsiyamizning jamiyatdagi muhim oʼrni va demokratik islohotlarning tayanchi ekanligi haqida atroflicha maʼruza qildi.

Shuningdek, tadbirda Yoshlar ishlari va ma`naviy-marifiy masalalar boyicha direktor o’rinbosari Sh.Mustafayev, Pedagogika va tillarni o‘qitish fakulteti dekani A.Sobirov, Biznesni boshqarish va axborot texnologiyalari fakulteti dekani S.Rajabov,Gumanitar fanlar kafedrasi mudiri,xotin-qizlar qumitasi raisi N.Ro’zievalar so’zga chiqib ishtirokchilarni Oʻzbekiston Respublikasi Konstitutsiyasining 29 yilligi bilan qutladilar.

So’zga chiqqanlar mamlakatimizda olib borilayotgan tashqi va ichki siyosat, qonunchilik islohotlari, millatlararo va xalqaro munosabatlar haqida fikr va mulohazalar bildirishdi, mamlakatda turli millat vakillarining tinch va totuv, hamjihatlikda yashayotganini alohida ta’kidladilar.

Yoshlarning ongi va qalbida Konstitutsiyamizga hurmat, Vatan taqdiriga daxldorlik, masʼuliyat hissini yanada kuchaytirish masalalari xususida oʼzaro fikr almashildi. Аna shu gʼoyalarni yoshlarimizga singdirish barobarida ularning huquqiy madaniyatini yuksaltirish har birimizning burchimiz boʼlmogʼi lozimligi alohida qayd etib o’tdilar.

Toʼla ishonch bilan aytish mumkinki, Oʼzbekiston Respublikasining Konstitutsiyasi xalqimiz siyosiy-huquqiy tafakkurining yuksak namunasidir. U hech kimga qaram boʼlmasdan, erkin va ozod, tinch va osoyishta, farovon yashashning qonuniy kafolati boʼlib kelmoqda. Bozor munosabatlariga asoslangan huquqiy demokratik davlat, kuchli fuqarolik jamiyati barpo etish borasida mustahkam poydevor boʼlib xizmat qilmoqda.

Talabalarning o’zi yozgan va Konstitutsiyasiga bag’ishlab aytgan she’rlari tadbirga shukuh bag’shida etdi.

Shuningdek tadbirda «Zulfiyaxonim qizlari» ko’rik tanlovi «Vatan taraqqiyotida mening hissam» tadbiri, “Zakovat” intellektual o‘yinining dastlabki bosqichi g’oliblari, turli sport musobaqalarida ishtirok etgan va g’oliblikni qo’lga kiritgan talabalar hamda ijtimoiy himoyaga muxtoj talabalar fililal rahbariyati tomonidan moddiy rag’batlantirildi.

SamDU KF Axborot xizmati