fbpx

“Kitobxonlik haftaligi”ning ochilish marosimi boʼlib oʼtdi.

 

O‘zbekiston Respublikasi Vazirlar Mahkamasining 2020-yil 14-dekabrdagi 871-son qaroriga asosan, 2021-yildan boshlab har yili aprel oyida “Kitobxonlik haftaligi”ni o‘tkazish belgilangan. Shu asosda, joriy yilning 18 – aprel kuni Kattaqo’rg’on shahar Axborot-kutubxona markazida “Kitobxonlik haftaligi”ning ochilish marosimi boʼlib oʼtdi.

Tadbirda Kattaqo’rg’on shahar hokimligi bilan bir qatorda Samarqand davlat universitetining Kattaqo‘rg‘on filiali Axborot-resurs markazi xodimlari hamda Pedagogika va tillarni o’qitish fakulteti talabalari faol ishtirok etishdi.

“Kitobxonlik haftaligi” kutubxonachilar va kitobxonlar uchun kompleks tadbirlar majmuasi boʼlib, asosiy maqsadi kitob va kitobxonlik targʼiboti va aholi ongiga maʼrifiy va mafkuraviy tushunchalarni singdirib borish, ularda milliy va axloqiy, huquqiy tarbiyani, boy adabiy merosimizga boʼlgan hurmatni kuchaytirishdan iboratdir.

 Tadbir davomida talabalar she’r va g’azallar namunalar aytishdi.Filialning ARM xodimlari esa kitobga bo’lgan qiziqishni oshirish borasida yoshlar o’rtasida kitobxonlikni targ’ib qilishdi.