KATTAQO’RG’ONDA “XAVFSIZ HAYOT UCHUN” SHIORI OSTIDA VELOSPORT HAMDA TEZ YURISH MARAFONI BO‘LIB O‘TDI
Mamlakatimizda huquqbuzarliklarni oldini olish, jinoyatchilikka qarshi kurashish va ularning yuzaga kelib chiqish sabablarini aniqlash hamda yoshlar orasida turli sport musobaqalari, yurish marafonlarini oʼtkazish va unga yoshlarni keng jalb qilishga alohida eʼtibor qaratish dasturlar doirasida Respublikamizning barcha hududlarida, jumladan, Kattaqo’rg’on shahrida ham bugun, 24-mart kuni “Xavfsiz hayot uchun” shiori ostida velosport hamda tez yurish marafoni o‘tkazildi.
SamDUKF, Shahar IIB YXXB, shahar hokimligi hamda Yoshlar ishlari agentligi hamkorligida tashkil qilingan ushbu tadbirda 1000 dan ortiq yoshlar, shahar aholisi va mahalla yoshlari ishtirok etdilar.
Ushbu Marafonda SamDU Kattaqo’rg’on filiali jamoasi, jumladan filiai rahbariyati, professor-o’qituvchilari, tyutorlar va talabalar faol ishtirok etishdi.
Bugungi marafonda faol ishtirok etganlarga tashkilotchilar tomonidan tashakkurnomalari hamda esdalik sovgʼalari tantanali ravishda topshirildi.