fbpx

Samarqand davlat universitetining Kattaqo‘rg‘on filialida o‘tkazilgan navbatdagi dolzarb mavzudagi muloqotda filial direktori maslahatchisi S.Eshonqulov, Marketing va talabalar amaliyoti bo‘lim boshlig‘i S.Axmedov, Aniq va tabiiy fanlar fakulteti dekan o’rinbosari A.Jabbarovlar filial professor-o‘qituvchilari va talaba-yoshlar uchun qimmatli ma’lumotlarni taqdim etdilar.

Davra suhbatida filial direktori maslahatchisi S.Eshonqulov so‘ziga chiqib, bugungi kunda yoshlarning ma’naviy olamini boyitish, turli zararli illatlar ta’siridan asrash borasida amalga oshirilayotgan keng ko‘lamdagi targ‘ibot tadbirlari to‘g‘risida to‘xtalib o‘tdi.

Shuningdek, yoshlar tomonidan sodir etilayotgan jinoyatlar va ularning oldini olishdagi harakatlar, bu jarayonning huquqiy jihatlari borasida fikr va mulohazalarini bildirib o‘tdi. Talabalarni ogohlik va xushyorlikka chaqirish maqsadida ularga noqonuniy diniy faoliyat turlari haqida ma’lumotlar berilib, mazmuni ochib berildi.

Talabalar tomonidan mavzu yuzasidan savollar berilib, aniq misollar yordamida javoblar berildi. Uchrashuv talabalarda diniy va dunyoviy davlat, daxriylik, jaholatga qarshi ma’rifat g‘oyasining mazmunini batafsil tushunib olish imkonini berdi. Tadbir so’nggida mavzuga oid videofilm talabalar uchun namoyish etildi.