fbpx
2023-yilning 22-dekabr kuni O’zbekiston Respublikasi Prezidenti Sh.M.Mirziyoyev raisligida Respublika Ma’naviyat va ma’rifat Kengashi yig’ilishida qator muhim masalalarga alohida e’tibor berilgan. Mazkur masalalardan xalqni xabardor qilish, mazmun-mohiyati bilan tanishtirish maqsadida mahallalarda aholi bilan uchrashuvlar tashkil qilinmoqda. Xususan, Kattaqo’rg’on shaharigi “Islom Shoir” mahallasida o’tkazilgan “Yangi hayot uchun, Yangi O’zbekiston uchun!” shiori ostidagi “Mahallada duv-duv gap” targ’ibot tadbirlarida SamDU Kattaqo’rg’on filiali Aniq va tabiiy fanlar fakulteti  Yoshlar masalalari va ma’naviy- ma’rifiy ishlar bo`yicha dekan o`rinbosari A.Jabborov, “O‘zbek tili va gumanitar” fanlar kafedrasi o‘qituvchisi I.Bo‘tayev, tyutor B.Yo‘ldoshevlar ishtirok etib, aholining huquqiy va ma’naviy savodxonligi ortishiga xizmat qildi. Jumladan, “O‘zbek tili va gumanitar” fanlar kafedrasi o‘qituvchisi I.Bo‘tayev so’zga chiqib Yangi O‘zbekistonni bunyod etish yo‘lida amalga oshirilayotgan keng ko‘lamli islohotlar, erishilayotgan yutuqlar to‘g‘risida hayotiy misollar bilan tushunchalar berdi. Tadbirda jamoatchilik faollari, nuroniylar, ijodkorlar o‘z fikr va mulohazalarini bildirishdi. Shuningdek, tadbirlar davomida sho‘x kuy-qo‘shiqlar yig‘ilganlarga ko‘tarinki kayfiyat ulashdi.