fbpx

9-may — Xotira va qadrlash kuni yurtimizda keng nishonlanmoqda.
Ushbu qutlug’ sana munosabati bilan Kattaqo’rg’on shahrida ham tadbirlar davom etmoqda.

Erta tongdan shahardagi Motamsaro Ona haykali qarshisida ziyolilar, mahalliy hokimiyat, tashkilot va muassasalar rahbar xodimlari, jamoatchilik vakillari, jumladan, SamDU Kattaqo‘rg‘on filiali direktori Sh.Urakov hamda direktor o’rinbosarlari, bo’lim boshliqlari, professor-o’qituvchilar va talaba yoshlar jam bo’lishdi.

Shundan so’ng, Motamsaro Ona  haykali poyiga gullar qo’yildi.
El-yurt uchun, xalqimiz tinchligi va osoyishtaligi yo’lida jon fido qilgan, samarali mehnat qilib o’tgan faxriylar xotirlandi.
Sohalarda yoshligi, kuch-g’ayratini safarbar etib, mehnat qilgan, o’z maktabini yaratgan,  bugungi kunda yaqinlar, yurtdoshlarimiz ardog’ida yashab kelayotgan so’zi hikmat, qilgan ishlari ibrat bo’lgan otaxon-onaxonlar holidan xabar olinmoqda.