fbpx

“KREATIV TA’LIM VA INNOVATSIYALAR-YANGI O‘ZBEKISTON TARAQQIYOTINING ASOSI” SHIORI OSTIDA INNOWEEK-2023 INNOVATSION G‘OYALAR HAFTALIGI

        Samarqand davlat universitetining Kattaqoʻrgʻon filialida joriy yilning 16-20-oktabr kunlarida oʻtkazilayotgan “Kreativ taʼlim va innovatsiya – Yangi Oʻzbekiston taraqqiyotining asosi” shiori ostida o’tkazilayotgan INNOWEEK-2023 innovatsion gʻoyalar haftaligiga bag‘ishlangan forumni filial ilmiy ishlar va innovatsiyalar boʻyicha direktor oʻrinbosari F.Sirojiddinov kirish soʻzi bilan ochib berdi. F.Sirojiddinov «INNOWEEK-2023» innovatsion gʻoyalar haftaligida filialda amalga oshirilayotgan ilmiy-innovatsion ishlar, xalqaro hamkorlik,  jumladan talabalar tomonidan taklif etilayotgan loyihalar bizni yanada yuqori ko‘rsatkichlarga erishishi, iqtidorli talabalarni ilm-fanga jalb etish, ularning fikr-g‘oyalarini qo‘llash va shu kabi amaliy jarayonlar, pirovard natija Yangi O‘zbekistonning taraqqiyotiga olib kelishi haqida so‘z yuritdi. 

Shuningdek, o’z loyihalari bilan ishtiriok etayotgan talabalarga faol ishtiroklari uchun o‘zi va filial ma’muriyati nomidan minnatdorchilik bildirdi. Filial talabalari tomonidan yaratilayotgan ilmiy ishlanmalar hamda loyihalar bilan tanishtirib o’tildi.

“Aniq va tabiiy fanlar” fakulteti 3-bosqich “Axborot tizimlari” yoʻnalishi 21_05-guruh talabasi Normamatov Bunyod tomonidan yaratilgan Sizot suv sathi oʻzgarishi va yerlarni shoʻrlanishini aniqlash uchun IT” ilmiy ishlanmasi bilan ishtirokchilarni tanishtirib o’tdi.

Normamatov Bunyod yaratgan loyihasining qulayliklari, ishlanmadan koʻzlangan maqasad, uskunani yasash uchun kerak bo’ladigan mablagʻlar haqida gapirib uchrashuv ishtirokchilariga tushuntirib berdi.

         Uchrashuv davomida filialning “Ilmiy tadqiqotlar, innovatsiyalar va ilmiy pedagogik kadrlar tayyorlash sektori bo‘limi” boshlig‘i M.To‘rayev «INNOWEEK-2023» ishtirokchilari tomonidan berilgan savollarga javob berdi. Ishtirokchilar tomonidan kiritilgan takliflar eshitildi va bu takliflar yuzasidan muhokamalar yuritildi.