Samarqand davlat universitetining Kattaqo`rg`on filialida “Kreativ ta’lim va innovatsiyalar-yangi O`zbekiston taraqqiyotining asosi” shiori ostida o’tkazilayotgan “INNOWEEK-2023” Innovatsion g`oyalar haftaligida “Ilm fan kuni” munosabati bilan professor-o`qituvchilar va ijtimoiy ish yo`nalishi talabalari bilan o`tkazilgan seminar trening tashkil etildi.
Joriy yilning 18-oktabr sanasida “Kreativ ta’lim va innovatsiyalar-yangi O`zbekiston taraqqiyotining asosi” shiori ostida o’tkazilayotgan “INNOWEEK-2023” Innovatsion g`oyalar haftaligi doirasida “Ilm fan kuni” munosabati bilan ochiq seminar trening bo`lib o`tdi. Seminar treningni filial ilmiy ishlar va innovatsiyalar boʻyicha direktor oʻrinbosari F.Sirojiddinov ochib berdi.
“Ilmiy tadqiqotlar, innovatsiyalar va ilmiy pedagogik kadrlar tayyorlash sektori bo‘limi” boshlig‘i M.To‘rayev soʻzga chiqib “Bugungi kunning dolzarb masalalaridan biri talaba yoshlarning kreativligini oshirish va ularning ilmiy g`oyalarini qo`llab-quvvatlash dolzarb masaladir. Shu munosabat bilan siz talaba yoshlarni faol ilmiy jarayonlarga undash maqsadida ushbbu trening tashkil etilganligini aytib oʻtdi hamda tadbir davomida professor-oʻqituvchi va talabalar o`z fikrlarini erkin va ochiq tarzda bildirishlariga chaqirdi.
Ijtimoiy ish yo`nalishi talabasi Kaxxarov Beknazar Xusan oʻg’li o`zining ijtimoiy loyihasi bo`yicha taqdimot qildi. Bunda ijtimoiy himoyaga muhtoj aholi qatlamlariga yordam ko`rsatish tizimini yanada yengillashtirish, ijtimoiy himoyani manzilli yo`naltirish kabi masalalar yoritib berildi.
Seminar trening professor-oʻqituvchilar va talabalar uchun qiziqarli hamda munozarali tarzda oʻtdi, Seminar trening davomida talabalar o`zlari qiziqtirgan barcha savollarga javob olishdi.
