fbpx

SamDU Kattaqo’rg’on filialida  olis tumanlar va qo‘shni viloyatlardan kelib tahsil olayotgan talabalar TTJda va ijara uylarida istiqomat qilib kelmoqda. Ushbu talabalarning holidan muntazam ravishda xabar olish, muammo va sharoitlarini o‘rganib borish ishlari tizimli ravishda yaxshi yo‘lga qo‘yilib, tegishli mas’ullar tomonidan ijara uylarga tashriflar davomiy amalga oshirilmoqda.

Shu boisdan, Pedagogika va tillarni o’qitish fakulteti tyutori Sh.Sunnatov va  Yoshlar ittifoqi filial boshlang‘ich tashkiloti talaba-qizlar filial koordinatori S.Toshtemirovalar ijarada yashovchi talabalar holidan xabar oldilar.

 Talabalar bilan suhbat jarayonida ularning muammo va takliflari tinglanib, ularni qiynayotgan savollarga javob berildi, mavjud kamchiliklar bartaraf qilindi. Shuningdek, talabalar texnika vositalaridan foydalanishda ehtiyotkorlik qoidalariga rioya qilishlari yuzasidan ogohlantirildi. Xonalarni ozoda saqlash, gigiyena qoidalariga rioya qilish yuzasidan tavsiyalar berildi.

 Qolaversa, mas’ullar talaba-qizlarning qiziqishlarini tinglab, bo‘sh vaqtlarida o‘zlariga foydali va qiziqarli mashg‘ulotlar bilan shug‘ullanishlari yuzasidan tavsiyalarni aytib o‘tdilar.