fbpx

Ijarada yashovchi talabalardan doimo boxabar bo‘lish va ularning yashash sharoitlarini o‘rganish kun tartibidagi masalalardan biri bo‘lmoqda.

Shu bois, joriy yilning 14 aprel kuni SamDU KF talabalari orasida ijtimoiy-ma’naviy muhit barqarorligini ta’minlashga mas’ul bo‘lgan direktor maslahatchisi S. Eshonqulov, fakultet dekani S.Rajabov, dekan o’rinbosari A.Jabborovlar fakultetning ijarada yashovchi talabalari holidan xabar olishdi.

Tashrif jarayonida talabalarning yashash sharoitlaridagi imkoniyatlari, dars tayyorlashlari uchun qulayliklar, bo‘sh vaqtlarini mazmunli tashkil etishlari o‘rganildi. Xonadonda odob-ahloq qoidalari, tozalikka rioya qilishlari alohida ta’kidlab o‘tildi.

Talaba- yoshlarning muammolarini o’rganish uchun keng doirada suhbat uyushtirildi. Suhbat davomida talabalar, o’z turar joylaridagi sharoitlaridan mamnun ekanliklarini aytib o’tishdi.

Shuningdek, uchrashuv davomida xonadon egasi bilan ham suhbatlashib, talabalarga sharoit yaratish va ularning nazorati bo‘yicha fakultet bilan hamkorlikda ish olib borish taklifi bildirildi.