Hududlarda Mustaqillik bayrami shukuhi
Mustaqillik – har bir xalqning azaliy va muqaddas bayrami. Shuning uchun bu bayram barcha ozod, erkin, tenglar ichida teng boʼlib, jahon hamjamiyatida oʼz qonuniy oʼrniga ega boʼlgan xalqlar tomonidan eng ulugʼ milliy bayram sifatida nishonlanadi. Аyni shu kunlarda erishilgan yutuqlar sarhisob qilinib, kelajak sari dadil odimlar belgilanadi, davlatimizning oliy mukofotlari topshiriladi. Milliy oʼzligimizni qay darajada anglaganimizga yana bir bor nazar tashlanadi. Respublikamizning barcha hududlarida istiqlol ayyomi koʼtarinki kayfiyatda keng miqyosda nishonlanadi.
Kattaqo‘rg‘on shahrida ham bu yilgi bayramni oʼzgacha tarzda nishonladilar. Bayram tadbirlari boʼlib oʼtadigan Alisher Navoiy nomidagi istirohat bog;ida erta tongdanoq Kattaqo‘rg‘on shahar ahli bilan bilan gavjum boʼldi. Yoshu- qari, barchaning qalbida bayram shukuhi. “Yangi Oʼzbekistonda el aziz, inson aziz” shiori ostidagi Mustaqilligimizning 31 yillik bayram tantanasida shahar hokimi Gavhar Аlimova, sektor rahbarlari, jamoatchilik vakillari va Samarqand davlat universiteti Kattaqo‘rg‘on filiali professor-o’qituvchilari ishtirok etdilar.
Davlatimiz madhiyasi bilan boshlangan tadbirda soʼz olgan shahar hokimi Gavhar Аlimova Kattaqo’rg’on ahlini qutlugʼ ayyom bilan muborakbod etdi.
Mustaqillikning har birimizning hayotimizda oʼz oʼrni va ahamiyati bor. Xuddi shuningdek, davlatimiz, jamiyatimiz taraqqiyoti va xalqimizning farovonlikda va tinch -totuv yashashida ham uning ahamiyati beqiyos.
Mustaqillik, Vatanni madh etuvchi ajoyib kuy va qoʼshiqlardan iborat Toshkentdan tashrif buyurgan taniqli san’atkorlar hamda shahar madaniyat boʼlimi sanʼatkorlarining kontsert dasturi tadbirga yanada koʼtarinkilik bagʼishladi.
