HARBIYLAR BILAN UCHRASHUV
Xabaringiz bor, Yurtimizda 2022 yilning 15 dekabridan 2023 yilning 15 yanvariga qadar “Vatanparvarlik oyligi” targ’ibot tadbirlari tashkil etilmoqda.
Ana shunday tadbirlardan biri 2023-yilning 9-yanvar kuni SamDU Kattaqo’rg’on filiali Pedagogika va tillarni o‘qitish fakulteti “Gumanitar fanlar ” kafedrasi professor-o’qituvchilari bilan bo’lib o’tdi.
Tadbirda 02855 harbiy qism kichik serjantlari B. Nazarov, D. Ibragimov hamda leytenant X. Sobirjonov ishtirok etishdi.
Tadbirni “Gumanitar fanlar ” kafedrasi o’qituvchisi Falsafa fanlari bo’yicha falsafa doktori, PhD J.Quchqorov kirish so‘zlari bilan ochib berdi va yaqinlashib kelayotgan Oʻzbekiston Respublikasi Qurolli Kuchlarining 31 yilligi hamda “Vatan himoyachilari kuni” munosabati bilan harbiylarni samimiy muborakbod etdi.
Jarayonda so’zga chiqqan X. Sobirjonov Yangi O’zbekistonda harbiy xizmatchilarga yaratilayotgan imtiyozlar, munosib shart-sharoitlar haqida gapirdi.
Shuningdek, mazkur yig’indan ko’zlangan asosiy maqsad va hozirgi kunda yoshlarni vatanparvarlik ruhida tarbiyalash borasida mamlakatimizda olib borilayotgan amaliy ishlar haqida alohida to’xtaldi.
Bayram arafasida o‘tkazilayotgan bunday tadbirlar harbiylarga va filial jamoasiga oʼzgacha ma’naviy-ruhiy kayfiyat berdi desak mubolagʻa boʻlmaydi.