fbpx
Joriy yilning 24-yanvar kuni Samarqand viloyati Statistika boshqarmasi mutasadilari tomonidan Samarqand davlat universiteti Kattaqo’rg’on filiali talabalari uchun seminar tashkil etildi. Tadbirda Statistika boshqarmasi “Roʼyxatga olish jarayonlarini tashkil etish va uni oʼtkazish” boʼlimi boshligʼi J. Karimov aholini roʼyxatga olish tadbiriga tayyorgalik koʼrish, bu borada qabul qilingan meʼyoriy hujjatlar, qonun va qarorlar hamda ularning ijrosi yuzasidan amalga oshirilgan va kelgusida bajarilishi belgilangan ishlar boʼyicha batafsil maʼlumot berdi. Seminarda shuningdek, doimiy aholi soni, oʻrtacha ish haqi, xalqaro tashkilotlar bilan statistika idoralarining hamkorligi, ilmiy ishda kerak boʻladigan statistik tahlillar, ochiqlik va shaffoflik borasida tushunchalar berib oʼtildi. Talabalar tomonidan berilgan savollarga Statistika boshqarmasi mutaxassislari atroflicha javob berishdi. Statistika boshqarmasi va filial oʻrtasida oʼzaro hamkorlik aloqalarini yanada mustahkamlash va shu kabi uchrashuvlarni muntazam oʼtkazishga kelishib olindi.