fbpx

Giyohvandlik butun dunyo hamjamiyatini tashvishga solayotgan eng katta muammolardan biri hisoblanadi. Yoshlar orasida bu kabi illat bilan qarshi kurashish, sog‘lom hayotni targ‘ib qilish masalasi eng dolzarb hisoblanadi.

Shu kunlarda Kattaqo’rg’on shahrida “Biz yoshlar giyohvandlikka qarshimiz!” shiori ostida turli tadbirlar, sport musobaqalari, tanlovlar va davra suhbatlari o‘tkazib kelinmoqda.

Shu munosabat bilan joriy yilning 18-fevral kuni erta tongdan yoshlar ishtirokida boshlangan yurish marafoni ommaviy sport musobaqalari bilan davom etdi.

SamDU Kattaqo‘rg‘on filialida tashkil qilingan sportning etnosport, mini futbol, basketbol va arqon tortish kabi sport musobaqalarida talaba-yoshlar faol ishtirok etdilar.

Yoshlar orasida sog‘lom turmush tarzini shakllantirish va ommaviy sportni rivojlantirish maqsadida tashkil qilingan musobaqa so‘nggida g‘olib bo‘lgan yoshlar taqdirlandilar.

Tadbirdan ko‘zlangan maqsad sog‘lom turmush tarzini shakllantirish va yoshlarni sportga bo‘lgan qiziqishlarini oshirishdan iborat.

SamDU Kattaqo’rg’on filiali

          Axborot xizmati