fbpx

Tarix, bugun va kelajakni oʻzida mujassam etgan “Uch avlod uchrashuvi” tadbirlari bugungi kunda el-yurtimiz hayotida goʻzal anʼanaga aylandi. Ayniqsa, bu kabi uchrashuvlar yoshlarni har tomonlama qo‘llab-quvvatlash, ularni xalqimizning ko‘p asrlik an’analariga hurmat qilish ruhida tarbiyalash, qolaversa, nuroniylarimizning oʻtgan umrlarini eslab, kechgan damlarini mamnuniyat bilan xotirlashlari yoshlar qalbida shukronalik tuygʻusini uygʻotishi bilan muhim ahamiyatga egadir. 

SamDU Kattaqo’rg’on filialida o‘tkazilgan tadbirni filial direktori Sherzod Urakov ochib berdi. U o‘z so‘zida tadbir tashkilochilariga minnatdorchilik bildirish bilan bir qatorda, bugungi uchrashuvning mohiyati va tarbiyaviy ahamiyati haqida ham to‘xtaldi. Shunungdek bugungi kunda faxriylarga ko‘rsatilayotgan e’tibor, mustaqillik bergan imkoniyatlar, ta’lim sohasidagi o‘zgarishlar, yurtimizda millatlararo totuvlik va hamjihatlik xususida o‘zining dil so‘zlarini bildirdi.

Shundan soʼng soʼzga chiqqan shahar hokimi oʼrinbosari Jamshid Nosirov tadbir ishtirokchilarini tanishtirar ekan tarix, bugun va kelajakni birlashtirgan mana shunday uchrashuvlarning oʼtkazilishi katta avlodning jamiyat, oilalar va mahallalarda tinchlik va osoyishtalikni taʼminlash hamda yosh avlodni xalqimizning koʼp asrlik anʼanalariga sadoqat ruhida tarbiyalashdagi rolini kuchaytirishdagi ahamiyati katta ekanligini taʼkidladi.

Jarayon davomida so’z olganlar o’z hayot yo‘llari, olib borgan ko‘p yillik faoliyatlari davomidagi o‘ziga xos yutuqlari va sinovlari haqidagi maʼruzalari tinglandi.

Shoira va jurnalist Fazilat Аbdullaevaning sheʼrlarini, mehnat faxriysi Baxriddin Shomamatovning, “Kattaqoʼrgʼon tongi” gazetasida faoliyat yuritayotgan Hamidullo Hushaqovning hayot chizgilarini yoshlar katta qiziqish bilan qarshi oldilar.

Tadbirga ajoyib kuy va qoʼshiqlar koʼtarinkilik bagʼishladi.

Uchrashuv yakunida faxriylar va talabalar ishtirokida filial hovlisiga archa koʼchatlari oʼtqazildi.

SamDU Kattaqo’rg’on filiali

     Axborot xizmati