FILIALDA “JAHOLATGA QARSHI MA’RIFAT” MAVZUSIDA TADBIR TASHKIL ETILDI.
Bugungi kunda yoshlar ta’lim va tarbiyasi davlat siyosatining dolzarb masalalaridan biriga aylanganligi hech kimga sir emas. Mamlakatimizda amalga oshirilayotgan barcha ijobiy o`zgarishlar zamirida har tomonlama barkamol – jismonan sog`lom, aqlan yetuk, mustaqil va ijodiy fikrlashga qodir, intellektual salohiyati yuksak yosh avlod to`g`risida g`amxo`rlik qilish ustuvor maqsadimizdir.
2022-yil 9-noyabr kuni Sharof Rashidov nomidagi Samarqand davlat universitetining Kattaqoʼrgʼon filialida “Jaholatga qarshi ma’rifat” mavzusidagi davra suhbati ham ayni shu masalalarga bag‘ishlandi.
Davra suhbatida Samarqand viloyati hokimligining Diniy ishlar qo’mitasi rahbari Sohibnazar Boymurodov, Kattaqo’rg’on shahar Diniy ishlari qo’mitasining bosh mutaxasisi B.Qodirov, ta’lim muassasaning professor -o‘qituvchilari hamda talaba- yoshlar ishtirok etishdi.
Tadbirni filialning Yoshlar masalalari va maʼnaviy-maʼrifiy ishlar boʼyicha direktor oʼrinbosari Sh. Mustafaev ochib berib, hozirgi kunda Respublikamizda “Jaholatga qarshi-ma’rifat” shiori ostida o’tkazilayotgan ma’naviy-ma’rifiy targ‘ibot tadbirlarining ahamiyati haqida batafsil to’xtalib o’tdi. Shuningdek, yoshlardagi ma’naviy bo‘shliqni ilmu-ma’rifat bilan to‘ldirish, ularni turli yot g‘oyalar tajovuzidan himoyalashda o‘z Vataniga bo‘lgan muhabbat va daxldorlik hissini yanada rivojlantirish, buyuk tariximizni, milliy urf-odatlarimizni yoshlar qalbiga doimiy singdirib borish zarurligini ta’kidladi.
Diniy ishlar bo’yicha Samarqand viloyati hududiy boshqarma boshlig’i S. Boymurodov “Yoshlarni aqidaparast oqimlar ta’siridan saqlash hamda ekstremizmga bog‘liq tahdidlarning oldini olish» mavzusida nutq so’zladi.
Dastlab tadbir qatnashuvhilari uchun mavzu yuzasidan tayyorlangan videofilm namoyish etildi.
Tadbir mehmoni hozirgi kunda olib borilayotgan ijtimoiy – iqtisodiy, diniy sohadagi islohotlar, yoshlarni bilim olib, ma’naviy kamolotga erishishlari muhim davr talabi ekanligi, islom dinining insonparvarlik, tinchlik va do‘stlik kabi olijanob maqsadlari va internet va ijtimoiy tarmoqlarda tarqalayotgan mafkuraviy hatarlar va ularni oldini olish masalalari so‘nggi yillarda aqidaparast oqimlar yoshlar ichidagi faoliyatini “Internet” orqali ta’sir o’tkazayotganligi bunga biz yо‘l qо‘ymasligimiz kerakligini tadbir qatnashchilariga a’lohida ta’kidlab o’tdi.
Shuningdek, suhbat chog‘ida diniy-ma’rifiy sohani yanada takomillashtirish, jamiyatda “Jaholatga qarshi ma’rifat” degan ulug‘vor g‘oya asosida dinning insonparvarlik, ezgulik va tinchlik kabi fazilatlarini hamda diniy bag‘rikenglik ruhini keng targ‘ib qilish, har hil buzg‘unchilik va yot g‘oyalarga kirib ketmaslik, odob-ahloq doirasida bo‘lish, kiyinish madaniyatiga rioya qilish haqida atroflicha tushunchalar berdi.
