FILIALDA  “JAHOLATGA QARSHI MA’RIFAT” MAVZUSIDA PROFILIKATIK TADBIR TASHKIL ETILDI.

SamDU Kattaqo’rgo’n filiali talabalarini turli yot g’oyalar ta’siridan himoya qilish, turli xil diniy oqimlarga aralashib hamda aldovlar qurboniga aylanib qolmasliklari borasida filialda qator ishlar qilinib kelinmoqda.

Jumladan, bugun, 3-fevral kuni Talabalar orasida ijtimoiy-ma’naviy muhit barqarorligini ta’minlashga mas’ul bo‘lgan direktor maslahatchisi S.Eshonqulov tomonidan tashkillashtirilgan sirtqi bo’lim talabalariga  “Jaholatga qarshi ma’rifat” mavzusidagi davra suhbati ham ayni shu masalalarga bag‘ishlandi.

Tadbirda filialning  Yoshlar bilan ishlash, ma’naviyat va ma’rifat bo’lim boshlig’i E.Husanov, Biznesni boshqarish va axborot texnologiyalari fakulteti dekan o’rinbosari A.Jaborov,Raqamli taʼlim texnologiyalari markazi boshligʻi J.O’tayev va sirtqi bo’lim  talabalar ishtirok etdi.

Direktor maslahatchisi S.Eshonqulov so’zga chiqib, yoshlardagi ma’naviy bo‘shliqni ilmu-ma’rifat bilan to‘ldirish, ularni turli yot g‘oyalar tajovuzidan himoyalashda o‘z Vataniga bo‘lgan muhabbat va daxldorlik hissini yanada rivojlantirish, buyuk tariximizni, milliy urf-odatlarimizni yoshlar qalbiga doimiy singdirib borish zarurligini ta’kidladi.

Hozirgi kunda olib borilayotgan ijtimoiy – iqtisodiy, diniy sohadagi islohotlar, yoshlarni bilim olib, ma’naviy kamolotga erishishlari muhim davr talabi ekanligi, islom dinining insonparvarlik, tinchlik va do‘stlik kabi olijanob maqsadlari va internet va ijtimoiy tarmoqlarda tarqalayotgan mafkuraviy hatarlar va ularni oldini olish masalalari so‘nggi yillarda aqidaparast oqimlar yoshlar ichidagi faoliyatini “Internet” orqali ta’sir o’tkazayotganligi bunga biz yо‘l qо‘ymasligimiz kerakligini tadbir qatnashchilariga a’lohida ta’kidlab o’tdi.

Shuningdek, odam savdosi bilan bog‘liq jinoyatlar va jirkanch hodisalar bugungi kunning dolzarb muammosi ekanligi, butun dunyoda, jumladan Kattaqo’rg’on shahrida “zamonaviy qullik” – odam savdosiga qarshi olib borilayotgan chora-tadbirlar haqida atroflicha gapirib, talaba-yoshlarni loqaydlik, beparvolikka  chek qo‘yib, doimo ogoh va xushyor bo‘lishlikka chaqirdi.

Tadbir savol – javob shaklida tashkil etilib, ko’tarinki ruhda boʻlib o’tdi.

Tadbir yakunida talabalar o’zlarini qiziqtirgan savollarga atroflicha javoblar olishdi.

SamDU Kattaqo’rg’on filiali

      Axborot xizmati