fbpx

Yoshlar o‘rtasida giyohvandlik vositalari, psixotrop moddalar va kuchli ta’sir qiluvchi preparatlarning suiste’moli hamda noqonuniy aylanishi bilan bog‘liq holatlarning oldini olish maqsadida bugun, 13 fevral kuni Samarqand davlat universitetining Kattaqo‘rg‘on filialida “Biz –yoshlar giyohvandlikka qarshimiz!” shiori ostida seminar o‘tkazildi.

Tadbirda Kattaqo‘rg‘on shahar IIB profilaktika inspektorlari A. Davurov, M. Qurbonov, Kattaqo‘rg‘on shahar tibbiyot birlashmasi shifokori N.B.Shukurova, filial direktori Sh. Urakov, Yoshlar masalalari va maʼnaviy-maʼrifiy ishlar boʻyicha direktor o’rinbosari  Sh. Mustafaev, direktor maslahatchisi S.Eshonqulov, dekan o’rinbosarlari, professor-o’qituvchilar hamda talaba-yoshlar ishtirok etdilar.

Tadbirni filial direktori Sh. Urakov kirish so’zi bilan ochib berdi.

Tadbir jarayonida talaba-yoshlarga mavzuga oid hujjatli filmi namoyish etildi.

Shundan so’ng, so’zga chiqqanlar tomonidan yoshlar va oliy ta’lim muassasalari talabalari o’rtasida jinoyatchilik va huquqbuzarliklarning oldini olish, giyohvandlik, giyohvandlikning salbiy oqibatlari, giyohvand vositalarini tarqalishiga qarshi kurashish va oldini olish, psixotrop, kuchli taʼsir qiluvchi moddalar hamda giyohvandlikning yetkazadigan son-sanoqsiz zararlari haqida talaba-yoshlarga atroflicha ma’lumot berdilar.

Shuningdek, yoshlar o‘rtasida huquqbuzarlik va jinoyatchilikning oldini olish, ta’lim muassasalarida bunday holatlarni bartaraf etish borasida sezilarli ishlar amalga oshirilayotganligini ta’kidladi.

Tadbirda ishtirok etgan talabalar mavzu bo’yicha ma’ruzachilarga qator savollar bilan murojaat qildilar va mutaxassislar tomonidan yetarlicha javob oldilar.

Jarayon Samarqand teleradiokompaniyasi ijodkorlari tomonidan suratga olindi.

SamDU Kattaqo’rg’on filiali

      Axborot xizmati