fbpx

Kattaqoʼrgʼon shahrida boʼlib oʼtayotgan “Yangi Oʼzbekiston yoshlari, birlashaylik” shiori ostidagi festival erta tongdan 5 ming qadam yurish marafoni bilan boshlandi.

Unda harbiy qism, tibbiyot birlashmasi, yoshlar ishlari agentligi shahar boʼlimi vakillari, xalq taʼlimi, maktabgacha taʼlim tashkilotlari, kasb-hunar kolleji va SamDU Kattaqoʼrgʼon filiali talabalari, IIB va Milliy gvardiya hamda boshqa tashkilotlar xodimlari faol qatnashdilar.

Аmir Temur koʼchasi boʼylab shaharga kirish darvozasidan yoʼlga chiqib, shahar markaziy oʼyingohida finishga yetib kelgan marafon ishtirokchilari karnay va surnay sadolari ostida kutib olindi.

Tadbirda ishtirok etgan shahar hokimi Gavhar Аlimova yoshlarni qutlar ekan, bugun yoshlar uchun yaratilgan shart-sharoitlar, ularga berilayotgan yuksak eʼtibor xususida soʼz yuritdi va oʼtkazilayotgan tadbirlar bu boradagi islohotlarning amaldagi natijasi ekanligini taʼkidladi.

Festeval doirasida ko’rgazmalar namoish etildi.Tadbir so’ngida Samarqand davlat universiteti Kattaqo’rg’on filiali direktori Respublika, viloyat miqiyosida yutuqlarga erishgan talabalarga faxriy yorliq,tashakkurnoma va estalik sovg’alar topshirdi.

Samarqand davlat universiteti Kattaqo’rg’on filiali Axborot xizmati