Fakultetida «Diniy aqidaparastlik hamda ekstremizmlarga bog‘liq tahdidlarning oldini olish» mavzusida ma’naviy-ma’rifiy tadbir o‘tkazildi
Bugungi kunda dunyoda ilmsizlik va jaholat oqibatida yuzaga kelayotgan salbiy illatlar barchani tashvishga solib kelayotgani ma’lum. Buning oldini olish uchun esa yoshlarni ilm-maʼrifatli, komil inson qilib tarbiyalash jamiyatimiz, ziyolilarimiz oldida turgan kechiktirib boʻlmas vazifadir.
Joriy yil 26-oktabr kuni SamDU Kattaqo’rg’on filiali Biznesni boshqarish va axborot texnologiyalari fakultetida «Diniy aqidaparastlik hamda ekstremizmlarga bog‘liq tahdidlarning oldini olish» mavzusida o‘tkazilgan uchrashuv ham aynan shu maqsadga qaratildi.
Tadbirda Biznesni boshqarish va axborot texnologiyalari fakulteti dekani S. Rajabov, filial direktor maslahatchisi S. Eshonqulov,fakultetning dekani o’rinbosari A. Jabborov, fakultetning tyutorlari hamda talaba-yoshlar ishtirok etdilar.
Tadbirni fakulteti dekani S. Rajabov kirish so‘zi bilan ochdi va talaba-yoshlarni diniy ekstremizmdan ogoh etish hamda ularni bo‘sh vaqtini mazmunli o‘tkazish borasida olib borilayotgan ishlar haqida to‘xtalib o‘tdi.
Tadbirda soʻzga chiqqan filial direktor maslahatchisi S. Eshonqulov hozirgi paytda yurtimizda amalga oshirilayotgan keng qamrovli islohotlar, xususan diniy sohada olib borilayotgan islohotlar 2021-yilda qabul qilingan vijdon erkinligi va diniy tashkilotlar to‘g‘risidagi qonunning mazmun-mohiyati talabalarga tushuntirildi.
Qolaversa, internet va ijtimoiy tarmoqlar orqali tarqalayotgan mafkuraviy hatarlar va ularni oldini olish masalalari, bugungi globallashuv davrida turli mafkuraviy tahdidlarni oldini olish va ularga qarshi kurashish masalalari bo’yicha atroflicha so’z yuritdi, hayotiy misollar keltirdi.
Shundan so’ng soʻzga chiqqan A. Jabborov, internet tarmog‘i orqali diniy ekstremistik g‘oyalar, “ommaviy madaniyat” targ‘ibotchilari yoshlarimiz ongiga o‘zlarining g‘oyalarini singdirishga urinayotganliklari, uning salbiy tahdidlarning oldini olish, ularga qarshi maʼrifat bilan kurashish to‘g‘risida o’z fikr-mulohazalarini bildirdi.
