FAKULTETDA FILIALNING PROFILAKTIKA NOZIRI BILAN UCHRASHUV TASHKIL QILINDI
Taniqli maʼrifatparvar Abdulla Avloniyning “Tarbiya biz uchun yo hayot – yo mamot, yo najot – yo halokat, yo saodat – yo falokat masalasidir” degan chuqur maʼnoli soʻzlari naqadar haqiqat ekanini yaxshi anglaymiz.Tarbiya masalalariga eʼtiborsiz qaralgan vaziyatda yuzaga keladigan koʻngilsizliklar ham, u keltirib chiqaradigan zararli oqibatlar ham barchamizga ayon.
Zero, bugun ilm-fan va taʼlim izchil rivojlanib borayotgan bir davrda hech shak-shubhasiz tarbiya taʼlimning asosi boʻlishi shart. Har bir pedagog, muallim va ustozning taʼlim berishdan maqsadi –kelajagi porloq, Vatan va el-yurt xizmatida turadigan kadrlarni tarbiyalashdir.
Jumladan,SamDU Kattaqo‘rg‘on filialida profilaktika tadbilari tashkil etilmoqda. Navbatdagi shunday tadbir Biznesni boshqarish va axborot texnologiyalari fakulteti Biologiya yo’nalishi talabalar bilan o‘tkazildi.
Unda filialning profilaktika noziri, katta leytenant E.Bahriyev, fakultetning Yoshlar masalalari va ma’naviy-ma’rifiy ishlar bo’yicha dekan o’rinbosari A.Jabborov, tyutorlar hamda talaba-yoshlar ishtirok etdi.
Mazkur tadbida so’zga chiqqan E.Bahriyev talabalar filialning ichki tartib-qoidalariga amal qilish, ma’naviy-marifiy ishlar samaradorligini oshirish, ular o‘rtasida huquqbuzarlik, jinoyatchilikning oldini olishga qaratilgan profilaktik ishlarni tizimli tashkil etish, yoshlarni Vatanga muhabbat ruhida tarbiyalash, bo‘sh vaqtlarini mazmunli o‘tkazishini ta’minlashga qaratilgan muhim vazifalarni o‘z vaqtida bajarish lozimligi haqida to’xtaldi.
Shuningdek,yoshlar tomonidan sodir etilayotgan huquqbuzarlik va jinoyatlarni chuqur tahlil qilib, kelib chiqish sabablari va huquqiy oqibatlari haqida hayotiy misollar bilan izohlab, talabalarga kerakli tavsiya va tushuntirishlar berdi.
Suhbat davomida talabalar oʻzlari uchun foydali boʻlgan maʼlumotlar bilan tanishdilar.