Yig‘ilishda Xalq ta’limini yanada yaxshilash borasidagi topshiriqlar bilan bir qatorda Oliy ta’lim muassasalari rahbarlari zimmasiga о‘ziga biriktirilgan maktablar bilan hamkorlik о‘rnatish, ularda ma’naviy muhitni tubdan yaxshilash bо‘yicha mutlaqo yangi konsepsiya ishlab chiqish, о‘quvchilarni yoshligidan о‘zining mahallasi va qishlog‘i hayotiga befarq bо‘lmaslik hamda Vatanga muhabbat ruhida tarbiyalashga kо‘maklashish kabi qator maqsadlarni о‘z ichiga olgan mas’uliyatli vazifalar belgilab berildi.

Shu bois, joriy yilning 20-may kuni ushbu dolzarb vazifalar ijrosini ta’minlash maqsadida Samarqand davlat universiteti Kattaqo‘rg‘on filiali Biznesni boshqarish va axborot texnologiyalari professor-o’qituvchilari fakultet dekani S.Rajabov rahbarligida Kattaqo‘rg‘on tumanidagi 96-umumta’lim maktabiga tashrif buyurishdi.

Unda har ikkala tomon fakultet va maktab hamkorligini yо‘lga qо‘yish, ushbu maktabdagi ma’naviy-ma’rifiy muhitni yanada yaxshilash, о‘quvchilarning bilim va tafakkurini kengaytirishda о‘z hissalarini qо‘shish, hamkorlik yо‘lida turli ma’naviy-ma’rifiy tadbirlar amalga oshirish yuzasidan tuziladigan “Yо‘l xaritasi”ni о‘zaro hamfikrlikda ishlab chiqish rejalashtirildi.

Bugun mamlakatimizda ta’lim sohasida, xususan, maktablarimizni bugungi kun talablari asosida tashkil etishda tub o’zgarishlar amalga oshirilmoqda. Bu jarayonga oliy ta’lim muassasalarining ham jalb etilayotgani bejiz emas. Chunki har ikki ta’lim muassasasi bir-biri bilan uzviy bog’liq: bir-birini to’ldiradi va rivojlantiradi. Ularni biridan ikkinchisini ayro tasavvur etib bo’lmaydi.

Shuning uchun endilikda fakultetning professor-o’qituvchilari ushbu maktabda dars jarayonlarini kuzatib, tahlil qilib boradi, uning natijalariga muvofiq maktab o‘qituvchilarida aniqlangan kamchilik va bo‘shliqlarni to‘ldirish, metodik yordam berish maqsadida mahorat darslari, seminar-treninglar tashkil etadi. Maktablarda asosiy e’tibor bitiruvchilarni oliy ta’lim muassasalariga o‘qishga kirishlari uchun ko‘maklashish va kasbga o‘rgatish, ikkinchi tomondan, quyi sinflarda tahsil olayotgan o‘quvchilarni qiziqishlariga qarab kasb-hunar, san’at turlariga yo‘naltirish, iste’dodlarini yuzaga chiqarishga qaratiladi.