“E’ZOZDASAN O’ZBEK AYOLI” MAVZUSIDA BAYRAM TADBIRI O‘TKAZILDI.

Ayni kunlarda butun Respublikamiz bo’ylab bahorning ilk bayrami, “8-mart – Xalqaro xotin-qizlar kuni” keng nishonlanmoqda.

Xususan, joriy yilning 7-mart kuni SamDU Kattaqo’rg’on filiali Talabalar turar joyida istiqomat qilayotgan talabalar bilan “8-mart – Xalqaro xotin-qizlar kuni” bayrami munosabati bilan “E’zozdasan o’zbek ayoli”  shiori ostida bayram tadbiri bo’lib o’tdi.

Tadbirni O’zbekiston Yoshlar ittifoqi SamDUKF BT yetakchisi, Pedagogika va tillarni o’qitish fakulteti dekan o’rinbosari J.Aburaxmonov kirish so‘zi bilan ochib, filial jamoasining ko‘zlagan marralariga erishishida, o‘zaro hurmat, mehr-oqibat muhitini saqlash va mustahkamlashda ayollarimizning donoligi, shukronalik va kasbiga sadoqat kabi ibratli xususiyatlari hal qiluvchi ahamiyatga ega ekanligini ta’kidladi va bayram bilan barcha xotin-qizlarni tabrikladi.

Talabalar tomonidan 8-mart Xalqaro xotin-qizlar bayramining kelib chiqish tarixi haqidagi qiziqarli ma’lumotlar hamda o‘zlarining ayollarga bag‘ishlangan chiroyli she’rlari bilan barcha ishtirokchilarga yuqori kayfiyat ulashdi.

Tadbir davomida filialning ijodkor yoshlarning chiqishlari va talabalar tomonidan ijro etilgan chiroyli kuy-qo‘shiqlar nafosat egalarida unutilmas taassurotlar qoldirdi.

SamDU Kattaqo’rg’on filiali

     Axborot xizmati