fbpx
Xabaringiz bor, mamlakatimizda davlatimiz rahbari tomonidan oliy ta’lim muassasalarida tahsil olayotgan talabalarning bandligini ta’minlash, ularning bo’sh vaqtini mazmunli o’tkazish hamda barcha shart-sharoitlarni yaratib berish borasida salmoqli ishlar qilinmoqda.   Shu munosabat bilan bugun SamDU Kattaqo’rg’on filiali direktori Sh. Urakov ishtirokida Pedagogika va tillarni o’qitish fakultetida tahsil oluvchi talabalar bilan ochiq muloqot tarzida uchrashuv o’tkazildi. Uchrashuvda filiali direktori Sherzod Urakov so‘zga chiqib, filialda erishilayotgan yutuqlar yuzasidan to‘xtalib, ushbu natijalarni qo‘lga kiritishda fidoiy ustozlar va talabalarning o‘rni borligi alohida ta’kidladi Filialda so’nggi yillarda talabalar hamda professor-o’qituvchilarga yaratib berilayotgan qulayliklar, shart-sharoitlar, shuningdek, endilikda amalga oshiriladigan istiqboldagi rejalar xususida so’z yuritdi. “Direktor va yoshlar” uchrashuvi qizg‘in savol va javoblar, muammolar va takliflarga boy bo‘ldi. Ko’tarinki kayfiyatda o’tgan muloqotda bir qator muammolar va takliflar bildirilib, murojaatlarni ijobiy hal etish yuzasidan mas’ullarga aniq topshiriq va ko‘rsatmalar berildi.