Bugun Xalqaro bolalarni himoya qilish kuni

Ushbu sana 72 yildan buyon butun dunyoda bayram qilib kelinadi.

Аslida 1925 yilda Jenevada bolalar farovonligiga bagʼishlangan Butunjahon konferentsiyasida taʼsis etilgan. Lekin oradan 25 yil oʼtib, yaʼni 1950 yildan bayram sifatida nishonlana boshlangan.

Аniqrogʼi, 1949 yilda Parijda ayollarning xalqaro demokratik federatsiyasi kongressi boʼlib oʼtadi. Kongressda bolalarning bardamligi va baxt-saodatining kafolati boʼlgan tinchlikni taʼminlash uchun doimiy kurash haqidagi shior yangraydi. Urushdan keyingi davrda sayyoramizda yashovchi barcha bolajonlarning sogʼliq va xotirjamligini saqlash dolzarb muammoga aylanib qolgan edi.

1989 yilda BMT Bosh Аssambleyasi bolalar huquqlari toʼgʼrisida Konventsiya qabul qildi. Unda butun dunyo mamlakatlari uchun bolalar huquqlarini himoya qilishni taʼminlashni joriy qilish toʼgʼrisida yozilgan.

Har yili 1 iyunь yurtimizda ham katta bayram sifatida nishonlanadi, barcha bolajonlar ardoqda boʼladi. Bu yil ham bolajonlar uchun barcha attraktsionlar, oʼyingohlar ochiq, turli maroqli tadbirlar tashkil etiladi.

Jumladan, bugun Samarqand shahrining Аlisher Navoiy va Kamol Otaturk koʼchasida bolalar uchun bayram tadbiri va sayil tashkil etiladi. Shuningdek, bugun viloyatdagi barcha madaniy meros obʼektlari va muzeylarga kirish 18 yoshgacha boʼlgan bolalar uchun bepul etib belgilandi.