fbpx

SamDU Kattaqo‘rg‘on filialida “Bu mening tanlovim – bu mening Konstitusiyam!” shiori ostida yoshlar bilan uchrashuv bo‘lib o‘tdi.

O‘zbekiston Respublikasi referendumi jarayonida Konstitusiyaga kiritilayotgan o‘zgartirishlar to‘g‘risidagi qonun loyihasini yoshlarga yetkazish maqsadida o‘tkazilgan ushbu uchrashuvda Xalq deputatlari Kattaqo‘rg‘on shahar Kengashi deputati, SamDU Kattaqo‘rg‘on filiali direktori Sh.Urakov talaba yoshlar hamda professor-o‘qituvchilarga ma’lumot berdi.

Konstitutsiyaga kiritilayotgan muhim o‘zgarishlarga to‘xtalib o‘tdi. Unda inson huquq va manfaatlari davlat va jamiyat manfaatlaridan ustun ekanligi belgilanayotgani, ta’lim-tarbiya masalalari, o‘qituvchi maqomi yuksak huquqiy asosga ega bo‘layotganini e’tirof etdi.

O‘tkaziladigan referendum jarayonlarida xalq, mamlakat taqdiriga daxldorlik nuqtayi nazaridan faol ishtirok etish lozimligini ta’kidladi.
Uchrashuv jonli muloqot shaklida davom etdi.