fbpx

Samarqand davlat universiteti Kattaqo’rg’on filiali Biznesni boshqarish va axborot texnologiyalari fakultetida Kattaqo‘rg‘on shahar hokimi o‘rinbosari, Oila va xotin-qizlar bo‘limi boshlig‘i Sh.Qo‘chqorova, Kattaqo‘rg‘on shahar tibbiyot birlashmasi boshlig‘i, S.Halilova,Kattaqoʻrgʻon shahar IIB JXX HPB XQMB katta inspektori, podpolkovnik Z.Axatova, Yoshlar ma‘naviy-ma‘rifiy ishlar bo‘yicha dekan o‘rinbosari A. Jabborov, hamda “Biznesni boshqarish” kafedrasi o‘qituvchisi J. Quchqorovlar Ijtimoiy ish yo’nalishi talabalari ishtirokida ma’naviy-ma’rifiy tadbir oʻtkazdi.

Tadbirda so’zga chiqqan Kattaqo‘rg‘on shahar hokimi o‘rinbosari, Oila va xotin-qizlar bo‘limi boshlig‘i Sh.Qo‘chqorova O‘zbekistonda ayollar uchun yaratilayotgan imkoniyatlarning huquqiy asosi, mamlakatda xotin-qizlarni qo‘llab-quvvatlash borasidagi islohotlarni amalga oshirishda oliy ta’lim tizimi oldida turgan dolzarb vazifalar, xotin-qizlarni tazyiq va zoʻravonlikdan himoya qilishning huquq-tartibot organlari bilan ta’lim muassasalarining hamkorligi, oila-turmush doirasida jinoyatlarning sabablari haqida so’z yuridi.

Kattaqo‘rg‘on shahar tibbiyot birlashmasi boshlig‘i S.Halilova esa o’z nutqida oilada sog’lom turmush tarzini tashkil qilish, oila hayotining dolzarb vazifalaridan biri ekanligi, har doim o’z sog’ligiga e’tiborda bo’lish,to’g’ri ovqatlanish gigiyinasiga rioya qilish kerakligi haqida talabalarga batafsil ma’lumotlar berdi.

Profilaktika katta inspektori, podpolkovnik Z.Axatova talaba yoshlar o’rtasida huquqbuzarlikni oldini olish hamda yo’l-transport hodisalariga rioya etish borasida yoshlarga keng tushuncha berdi.

Mutasaddilar tomonidan yoshlarni qiziqtirgan barcha savollarga batafsil javob berilib, talabalarga kerakli taklif hamda tavsiyalari berildi