fbpx
Samarqand davlat universiteti Kattaqo’rg’on filialida 1-dekabr “Butunjahon OITSga qarshi kurashish kuni” munosabati bilan “Biz OITSga qarshimiz” mavzusida rasmlar tanlovi bo’lib o’tdi. Tanlovda filial direktor o’rinbosarlari Sh.Mustafayev, S.Elmonov, Kattaqo’rg’on shahar tibbiyot birlashmasi yuqumli kasalliklar shifokori Q.Ismoilov, korrupsiyaga qarshi “komplaens nazorat” bo‘limi boshlig‘i E.Xudoyqulov, Yoshlar ittifoqi filial boshlang’ich tashkiloti yetakchisi J.Abduraxmonov hamda talaba-yoshlar ishtirok etishdi.   Tadbir avvalida OITS va OIV infeksiyasining yuqish yo’llari, alomatlari va bunday infeksiya alomatlari namoyon bo’lganda olib boriladigan chora – tadbirlar xususida so’z yuritildi. Tanlovda iqtidorli talabalar mavzu bo’yicha rasmlar chizishdi. Shuningdek, OITS haqidagi tasavvurlarini turli ranglar yordamida ifodaladi.Tanlov yakunida talabalar tomonidan chizilgan rasmlar baholandi va eng yaxshi ijodiy ishlar saralab olinib, nominatsiyalar bo’yicha g’oliblar aniqlandi. Tanlovda g’olib bo’lgan talabalar filial rahbariyati tomonidan esdalik sovg’lari bilan taqdirlandi.