fbpx

Bugungi kunda kitobxonlikni keng targʻib etish, yoshlarni badiiy asarlarni mushohada etishga chorlash hamda bu orqali asriy anʼanalarimizni saqlagan holda, maʼnaviyatimiz va madaniyatimizga hissa qoʻshish har bir avlodning burchidir.

Shu bois, Samarqand davlat universiteti Kattaqo’rg’on filiali Pedagogika va tillarni o‘qitish fakulteti va filialning ARM xodimlari hamkorligida “Adabiyot – tarbiya vositasi” nomli adabiy-badiiy kecha o’tkazildi.

Tadbirda Xurshid Do’stmuhammadning “Jajman”, Nazar Eshonqulning “Shamolni tutib bo’lmaydi” hikoyalari va Iqbol Mirzo she’riyati haqida fikr-mulohazalar bildirildi.

Tadbirda Ma’naviyat bo‘limi uslubchisi A.Majidov, Ma’naviyat ishlari bo’yicha dekan o’rinbosari J.Abdurahmonov, “Gumanitar fanlar” kafedrasi mudiri, N.Ro‘ziyeva, “Gumanitar fanlar” kafedrasi o‘qituvchilari D.Soyipova, M.Murodova, SamDUKF ARM xodimi N.Ismoilova,Filologiya va tillarni o‘qitish va Sport faoliyati: kurash yo‘nalishi talabalari ishtirok etishdi.

Tadbirni “Gumanitar fanlar”  kafedrasi mudiri N.Ro‘ziyeva ochib berdi. Shundan so‘ng “Gumanitar fanlar”  kafedrasi o‘qituvchisi D.Soyipova talabalarga “Adabiyot-tarbiya vositasi” mavzusida ma’ruza qildi va o‘z fikr-mulohazalarini bildirdi.  Adabiy kechada Xurshid Do’stmuhammadning “Jajman”, Nazar Eshonqulning “Shamolni tutib bo‘lmaydi” hikoyalari hamda Iqbol Mirzo she’riyati haqida fikr yuritilishini aytib o‘tdi. Nazar Eshonqul hayoti haqida ma’lumotlar berdi.

Talabalar “Jajman” hikoyasi haqida fikr bildirar ekan, yoshlarni kitobda tasvirlangan yovuzlik, nafs timsoli bo’lgan Jajmandan yiroq yurishga undadi.

Shuningdek, talabalar Narar Eshonqul qalamiga mansub “Shamolni tutib bo‘lmaydi” hikoyasidan olgan taassurotlari bilan o‘rtoqlashar ekan hukoyadagi obrazlarga ta’rif berishdi.

Shundan so‘ng she’riyat qismiga o’tildi.Talabalar Iqbol Mirzo qalamiga mansub she’rdan yod aytishdi.

Tadbir yakunida Ma’naviyat bo‘limi uslubchisi A.Majidov adabiy kecha mavzusi va badiiy adabiyotlar juda to’g’ri tanlangani, bu tadbir haqiqiy ma’noda ma’naviyatni yuksaltirish vositasi bo’lganini ta’kidladi.