USTOZ
Qay so‘zni topayin, qay so‘z chiroyli,
Qaysi ta’rifimga ko‘nglim to‘larkin.
Yo, kuy bormikan-a ohangraboli,
Ustozim sha’niga mos tusharmikin.
Yo, so‘zni oltindan yasash kerakmi,
So‘rash kerakmi yo biron zargardan.
Aytishlari mumkin shartmi, kerakmi?
She’r yozay degandim men ham bir zardan.
Allohim bor, mening arzim eshitar,
Nechun so‘z izlayman yerdan samodan.
So‘rasam eng yaxshi yo‘lin ko‘rsatar,
Oltin so‘z bo‘lurmi axir duodan.
Doimo yuzlari yorug‘ bo‘lsin deb,
Allohdan so‘rayman hamisha har on.
Uzoq umr ko‘rsin, omon bo‘lsin deb,
Zulayho tilaydi hamisha shodon.