Bugun SamDU Kattaqo‘rg‘on filialida 1-oktabr – Ustoz va murabbiylar kuni munosabati bilan tantanali tadbir bo‘lib o‘tdi.
Dastlab filial direktori Sh. Urakov filial professor-o‘qituvchilarini bayram bilan tabriklab, filialda ustozlar sa’y-harakati, fidoyiligi bilan erishilayotgan muhim natijalarga to‘xtalib o‘tdi.
So‘zga chiqqan Kattaqo‘rg‘on shahar hokimi o‘rinbosari J.Nosirov ustoz va murabbiylarni sana munosabati bilan samimiy qutladi.
Bayramda filial direktori Sh. Urakov tomonidan yoshlarni ona Vatanga muhabbat, istiqlol g‘oyalariga sadoqat ruhida tarbiyalash, ularning qalbiga ma’rifat ulashish yo‘lidagi ibratli faoliyati uchun bir guruh ustoz va murabbiylar tashakkurnoma hamda esdalik sovg‘alari bilan taqdirlandilar.
Ziyo ahlining kasb bayrami talaba-yoshlar tomonidan tayyorlangan madaniy dasturlar, tabriklar bilan fayzga to‘ldi.